26:37  37  SUR  LE  DEUTER.  CHAR  II.  38  aurons  bien  tout  espluohe,  nous  trouverons  que  ce  n'est  point  sans  cause  que  Dieu  iournellement  envoye  sa  parolle  a  ceux  qui  ne  1'acceptent  point,  et  lesquels  sont  desia  condamnez  devant  luy.  L'issue  donc  nous  est  incertaine,  quand  la  parolle  de  Dieu  se  preschera,  qu'elle  soit  pour  aveugler  les  reprouvez,  et  ceux  qui  sont  incorrigibles:  mais  y  a  que  Dieu  veut  les  rendre  inexcusables.  Car  quelquefois  Dieu  se  reserve  ceste  cognoissance-la,  quand  nous  sommes  envoyez  de  luy,  et  que  nous  preschons  en  son  nom  :  nous  ne  savons  si  nostre  labeur  profitera.  Celuy  donc  qui  est  constitue  pour  annoncer  la  parolle  de  Dieu,  ne  sait  pas  quand  il  aura  fait  ce  qui  luy  est  commande,  si  sa  predication  tournera  au  salut  des  auditeurs,  ou  a,  leur  condamnation  :  mais  travaillons  cependant,  et  prions  Dieu  qu'il  luy  plaise  donner  vertu  a  sa  parolle,  qu'elle  profite,  et  que  le  povre  monde  soit  retire  de  la  perdition  a  laquelle  il  tend.  Voila  le  but  auquel  nous  devons  regarder,  et  ce  que  nous  avons  a  faire.  Mais  quelquefois  Dieu  nous  monstrera  a  veue  d'oeil  que  sa  parolle  est  pour  condamner  les  auditeurs,  et  pour  leur  oster  toute  excuse.  Nous  voyons  qu'il  a  este  dit  pour  un  coup  a  Isaie:  Va  a  ce  peuple.  Et  pourquoy  faire?  c'est  bien  pour  porter  la  parolle  de  salut:  mais  cependant:  Va  endurcir  ce  peuple,  di-ie,  va  luy  estoupper  les  aureilles,  va  luy  bander  les  yeux,  et  engraisser  son  coeur,  pour  le  rendre  du  tout  desespere:  carie  ne  veux  point  qu'il  se  convertisse.  Quand  donc  le  Prophete  est  envoye  avec  une  telle  commission,  qu'il  sait  bien  que  ceux  ausquels  il  parle,  ne  feront  qu'empirer,  ou  en  est-il?  Mais  quoy?  il  faut  qu'il  execute  sa  charge  en  toute  obeissance.  Il  n'est  point  question  ici  que  les  hommes  entrent  en  conseil  et  advis,  selon  leur  portee,  non:  mais  il  se  faut  renger  a  Dieu,  comme  desia  nous  avons  dit.  Ce  qui  a  este  prononce  au  Prophete,  se  monstre  iournellement  par  effect.  Nous  pourrions  nous  despiter  souventesfois,  voyans  que  le  monde  se  desborde  en  plus  grande  licence,  selon  que  la  parolle  de  Dieu  se  preschera.  Car  si  nous  faisons  comparaison  de  ceux  qui  conspirent  entre  nous  contre  Dieu  et  son  Evangile,  ils  sont  pires  beaucoup  que  les  Papistes.  Les  Papistes  auront  quelque  devotion,  et  combien  qu'ils  soyent  abbrutis,  si  est-ce  neantmoins  que  leur  intention  premiere  est  de  servir  a  Dieu:  ceux-ci  sont  du  tout  endiablez:  et  combien  qu'ils  sachent,  et  soyent  assez  convaincus,  qu'ils  bataillent  contre  Dieu,  et  non  point  contre  une  creature  mortelle,  si  est-ce  que  leur  furie  les  transporte  de  poursuyvre  tousiours.  Nous  voyons  cela.  Nous  voyons  que  la  ou  il  y  a  eu  du  temps  de  l'aveuglement  quelque  police,  et  qu'on  estoit  plus  restr  aint,  qu'auiourd'huy  il  semble  que  tout  soit  permis.  Cela  seroit  pour  induire  les  serviteurs  de  Dieu  a  se  despiter:  mais  quoy?  Comme