22:37  37  INSTRUCTION  ET  CONFESSION  DE  FOY.  38  abbreve*  totalement  du  venin  de  peche  ne  peult  rien  mettre  horsi  l  )  sinon  les  fruictz  de  peche.  Toutesfois  si  ne  fault  il  pas  portant*  penser  que  lhomme  peche  comme  contraint  par  necessite  violente:  car  il  peche  dun  consentement  de  volunte  tres  prompte  et  encline.  l2)  Mais  parce  que  pour  la  corruption  de  son  affection  il  atresforten  hayne  toute  la  iustice  de  Dieu  et  dautre  part  est  fervent  en  toute  espece  de  mal,  il  est  dict  navoir  pas  puissance  libre  de  eslire  le  bien  et  le  mal,  ce  quon  appelle  le  liberal  arbitre.  Du  peche  et  de  la  mort.  Le  peche  en  lEscripture  est  appelle  tant  la  perversite  de  la  nature  humaine,  laquelle  est  la  fonteine  de  tous  vices,  comme  les  meschantes  cupiditez  qui  en  naissent  et  les  iniques  forfaictz  lesquelz  sortent  de  ces  cupiditez:  comme  sont  homicides,  larcins,  adulteres  et  les  aultres  de  telle  maniere.  Nous  doncq,  pecheurs  des  le  ventre  de  la  mere,  naissons  tous  subiectz  a  lire  et  vengeance  de  Dieu.  Estans  devenuz  grandz  nous  amassons  sur  nous  tousiours  plus  grief  iugement  de  Dieu.  Finablement  par  toute  nostre  vie  nous  tendons  tousiours  plus  avant  a  la  mort.  Car  sil  ny  a  point  de  doubte  que  toute  iniquite  ne  soit  execrable  a  la  iustice  de  Dieu,  que  povons  nous  attendre  de  la  face  de  Dieu,  nous  miserables  qui  sommes  opprimez  dune  si  grande  charge  de  pechez  et  souilles  dordure  infinie,  sinon  trescertaine  confusion,  telle  que  son  indignation  le  porte?  Ceste  cogitation,  combien  quelle  abbate  lhomme  de  terreur  et  laccable  de  desespoir,  toutesfois  elle  nous  est  necessaire  affin  que  desvestuz  de  nostre  propre  iustice,  deiectez  de  la  confiance  de  nostre  propre  vertu,  repoulsez  de  toute  expectation  de  vie,  apprenions  par  lintelligence  de  nostre  pouvrete  misere  et  ignominie  de  nous  prosterner  devant  le  Seigneur,  et  par  la  recognoissance  de  nostre  iniquite  impuissance  et  perdition  luy  donner  toute  gloire  de  sainctete  vertu  et  salut.  Comment  nous  sommes  restituez  a  salut  et  vie.  Par  ceste  cognoissance  de  nous,  laquelle  nous  monstre  nostre  neant  si  a  bon  esciant  elle  est  entree  en  noz  cueurs,  nous  est  faict  facile  accez  a  avoir  la  vraye  cognoissance  de  Dieu.  Et  plustost  11)  efflare.  12)  delinquit  voluntate  propensissima.