21:37  37  PAR  THEODORE  DE  BEZA  lieu  ou  il  ait  converse.  Il  a  vescu  environ  neuf  ans  en  mariage  en  toute  chastete.  Sa  femme  estant  decedee  il  a  demeure  en  viduite  l'espace  d'environ  seize  ans  et  iusques  a  la  mort.  En  tout  ce  temps-la  qui  a  iamais  apperceus  le  moindre  signe  du  monde  d'une  telle  et  si  indigne  tache?  Et  qui  eust  este  la  vilaine  si  effrontee  qui  eust  ose  penser  a  [f.  7.  page  35]  regarder  sans  vergongne  un  tel  front  si  venerable,  et  tesmoignant  aux  hommes  qui  le  regardoyent  toute  purete  et  gravite  ?  qui  a  este  plus  rigoureux  ennemi  de  toute  paillardise?  Il  est  vray  que  le  Seigneur  l'a  exerce  sur  ce  faict  en  des  personnes  qui  le  touchoyent  de  pres.  Il  est  encores  pis  advenu  en  la  maison  de  Iacob  et  de  David  qu'a  celuy  dont  nous  parlons,  et  d'une  facon  trop  plus  estrange.  Mais  qu'a  gagne  Satan  en  cest  endroit  sur  ce  fidele  serviteur  de  Dieu,  sinon  honte  et  vergongne  contre  soy-mesmes  au  dernier  iour  devant  le  siege  du  fils  de  Dieu,  et  des  maintenant  contre  ceux  qu'il  a  attitrez  pour  en  tirer  occasion  de  scandale?  Les  paillardises,  adulteres  et  incestes  sont  choses  tenues  pour  passe-temps  et  exercices  de  ces  malheureux,  tellement  que  l'un  des  plus  grands  scandales  qu'ils  trouvent  es  Eglises  reformees,  c'est  qu'on  y  punit  les  paillards  et  adulteres.  Cependant  s'il  s'est  trouve  quelque  tel  scandale  au  milieu  de  nous,  encores  qu'il  soit  rigoureusement  puni,  ils  ont  la  gorge  ouverte  pour  nous  accuser:  en  quoy  faisant,  s'ils  disoyent  vray,  que  feroyent-ils  autre  chose  que  nous  blasmer  de  ce  que  nous  leur  ressemblerions  ?  Mais  sans  entrer  en  ces  discours  il  faut,  vueillent  ou  non,  qu'ils  confessent  que  les  larrons  ne  s'assemblent  point  la  ou  sont  les  [page  36]  potences,  et  que  pour  vaquer  a  telles  choses  il  faudroit  plustost  demeurer  avec  ceux-la  ou  tel  crime  est  vertu.  Pour  revenir  a  mon  propos,  il  se  trouvera  que  ce  fidele  serviteur  de  Dieu  a  monstre  un  singulier  exemple  a  tous  les  hommes  du  monde  de  condamner  ce  vilain  et  puant  vice  tant  en  eux-mesmes  qu'en  autruy,  attendu  que  quand  il  s'en  est  trouve  de  coulpables  il  n'a  eu  sans  aucune  acception  de  personnes  esgard  quelconques  qu'a  Dieu  et  a  son  Eglise,  et  ne  di  rien  en  ceci  dequoy  tout  le  monde  ne  porte  un  vray  tesmoignage  devant  Dieu.  Il  y  en  a  eu  d'autres  qui  Font  appele  irreconciliable,  cruel,  et  mesmes  sanguinaire,  ce  qu'aucuns  ont  voulu  moderer  en  l'appelant  seulement  trop  severe.  La  defense  est  bien  aisee,  Dieu  merci,  et  ne  seroit  necessaire  n'estoit  qu'il  est  bon  que  les  uns  soyent  reprins  de  leur  perversite  et  les  autres  advertis  de  leur  ingratitude  envers  Dieu.  I'ay  dit  au  commencement  ce  que  ie  di  encores,  c'est  qu'il  n'eut  iamais  ennemi  que  ceux  qui  ne  l'ont  pas  cognu  ou  qui  ont  fait  guerre  ouverte  a  Dieu.  I'allegueray  pour  tesmoignage  de  cela  une  preuve  plus  que  suffisante,  c'est  qu'a  grand  peine  se  trouvera-il  homme