19:37  37  1561  OCTOB.  38  3561.  CALVINUS  CRUCIGERO.  Blandratam  pro  merito  tractatum  docet,  miraturque  quo  pacto  a  quibusdam  tam  humaniter  exceptus  fuerit  imo  ecclesiae  praefectus.  (Ex  apographo  Arch.  Turic.  Plut.  YL  Vol.  168,  olim  Scrin.  B.  epp.  Tom.  25,  fol.  129.  Edidit  Beza  Gen.  p.  258,  Laus.  p.  534,  Hanov.  p.  600,  Ohouet  p.  352,  Amst.  p.  161.)  Eximiae  pietatis  et  doctrinae  viro  D.  Felici  Crucigero  eiusque  collegis  ecclesiarum  minoris  Poloniae  fidis  pastoribus  et  ministris.l)  Quid  Stancarus  profecerit,  quibus  vos  gravare  tentavit  calumniis,  ex  responso  nostro  apparet.  Nobis  certe  nunquam  fuistis  suspecti.  Sed  quia  vobis  visum  est  purgare,  si  quid  conceptum  esset  suspicionis,  libenter  confessionem  a  vobis  scriptam  amplectimur,  quia  eius  brevitas  nihil  habet  obscurum  vel  ambiguum.  Nec  vero  timendum  fuit,  ne  ullis  sinistris  rumoribus  a  vobis  alienaremur.  Sancta  igitur  maneat  inter  nos  coniunctio,  eamque  ultro  citroque  fraterna  benevolentia  colamus.  Unum  tamen  non  dissimulo,  eos  qui  tam  humaniter  Georgium  Blandratam  exceperunt,2)  parum  fuisse  cautos  et  providos,  et  male  consuluisse  vestrae  existimationi.  Magis  etiam  miror  quosdam  primariae  autoritatis  viros  graviter  offendi,  quod  libere  hominem  detexerim  ut  necesse  erat.  Ac  ne  putetis  temere  fuisse  quidquam  a  me  creditum,  historicam  narrationem  dictavi,  quae  vos  omnium  certiores  faceret.3)  Tacere  vero  in  tanto  vestro  discrimine  fas  non  fuit,  quum  intelligerem  lupum  non  modo  in  ovile  admissum  fuisse,  sed  ovibus  datum  esse  custodem.4)  Nunc  tamen  si  resipiscere  in  animo  habeat  Blandrata,  re  ipsa  demonstret.  Quod  si  mihi  reconciliari  velit,  ignoscere  paratus  sum,  simul  ac  mutatum  fuisse  in  melius  cognovero.  Sed  profecto  vobis  illudit,  dum  se  indigne  traductum  fuisse  conqueritur.  Quid?  quum  scirem  impiis  deliriis  imbutum,  an  non  fuisset  proditorium  de  tanto  periculo  vos  non  commonefacere?  Sincerae  ergo  de  salute  vestra  sollicitudinis  officium  praestiti,  cuius  nunquam  me  poenitebit.  "Valete,  integerrimi  fratres  et  ex  animo  mihi  carissimi.  Dominus  vobis  adsit,  vos  gubernet  ac  tueatur  perpetuo.  9.  Octobris  1561.  3561.1)  Bespondet  ad  N.  3508.  2)  Alludere  videtur  ad  Badzivilium.  3)  vide  N.  3563.  4  scil  seniorem  factum  in  Polonia  minore  cf*  ep*  ad  Wolphium,