15:37  37  1554  FEBRUAR.  Fatemur  sane,  Deum  constanti  voluntate  bonum  amare  ac  velle  semper,  utpote  quod  ipsius  naturae  proprium  est  et  consentaneum,  nec  unquam  posse  odio  habere,  malum  autem  odisse  ac  nolle  semper,  quatenus  quidem  malum  est  et  a  natura  eius  alienum:  amare  autem  et  velle  et  decernere  quatenus  malo  ipse  bene  uti  novit  et  potest,  ac  ex  eo  bonum  elicere  quod  serviat  illustrandae  ipsius  gloriae  et  ad  universi  decorem  et  ornatum.  Ergo  nullius  t  n  ali  et  peccati  Deus  autor  est,  quum  peccatum  aliud  non  sit  quam  ab  eo  aversio  et  defectio,  quae  tam  non  potest  ab  eo  proficisci  quam  se  ipsum  negare  ac  sui  esse  dissimilis  non  potest.  Quis  est  igitur  autor?  Diabolus  et  a  diabolo  persuasus  homo  et  corruptus,  qui  in  veritate  non  permanserunt,  in  qua  conditus  erat  uterque.  Nam  quanquam  nec  angelos  nec  hominem  Deus  tales  creavit  qui  nec  labi  possent  nec  deficere,  nec  (etsi  potuit)  praecavere  tamen  voluit  quominus  quod  futurum  praevidebat  accideret,  quia  per  se  stare  non  poterant  nisi  ipsius  solius  munere:  nulla  tamen  Deo  hanc  ob  causam  culpa  adscribi  iustius  potest,  quam  angeli  conqueri  de  sua  sorte  quod  ipsos  non  fecerat  deos,  aut  homines  quod  non  sint  angeli  creati,  aut  bestiae  quod  eas  non  fecerit  pares  hominibus.  Deinde,  postquam  totum  humanum  genus  in  peccati  coenum  propria  culpa  proiectum  est,  si  ex  toto  genere  alios  gratuita  sua  benevolentia  ex  eo  statuit  retrahere  ac  aeternae  saluti  destinavit  ad  illustrandam  suae  bonitatis  ac  misericordiae  gloriam,  alios  autem  in  eo  decrevit  volutabro  deserere  ac  aeternis  suppliciis  destinare  ad  declarandam  potentiam  suam  atque  iusti  sui  iudicii  severitatem,  quis  iniustitiae  ipsum  iure  accersat,  *  qui  tanquam  figulus  ex  eodem  luto  diversa  vasa  fingere  potest,  et  in  quoscunque  volet  usus  accommodare  pro  bona  sua  voluntate,  cuius  causa,  si  non  semper  cognita  est,  iusta  tamen  semper  est?  Si  quis  ulterius  sibi  progrediendum  sibi  *  existimat,  Paulum  audiat  exclamantem:  O  altitudo  divitiarum  ete,  ad  reprimendam  effraenem  hanc  hominum  audaciam,  et  illud  occinentem:  O  homo  tu  quis?  Hic  enim  figere  gradum  convenit  quousque  nos  tanquam  manu  ducit  scriptura,  nec  sublimius  conscendendum,  quod  nec  longius  nec  altius  eadem  nobis  ducatum  *  praebeat.