13:37  37  1548  AUGUST.  38  lentiam  obtestari  volui,  ut  me  tuis  precibus  Domino  commendes.  De  tuis  ad  me  humanissimis  et  doctissimis  literis  immortales  ago  tibi  gratias,  agamque  dum  vivam:  et  si  quid  vitolrmnc  morbus  ut  fertur  amicorum,  animum  tuum  offenderit,  peto  abs  te  ut  memineris  quod  ille  dixit  :  omnes  quibus  res  sunt  minus  secundae,  magis  sunt  nescio  quomodo  suspiciosi,  et  mihi  hoc  pro  tua  singulari  humanitate,  mi  pater  ignoscas.  Etsi  autem  ea  mihi  suspicandi  epistola  materiam  praebuerit,  in  qua  me  de  tua  diffidentia  convincebas,  tamen  sic  se  profecto  res  habuit,  ut  alia  nulla  tum  apud  me  tum  apud  alios  quam  plurimos  aeque  profecerit.  Quare  abs  te  peto,  mi  pater,  ut,  quod  commodo  amplitudini  tuae  facere  possis,  saepe  de  rebus  eiusmodi,  hoc  est  de  periculis  quae  nobis  miseris  usque  quaque  imminent,  ad  me  scribas.  Praesertim  autem  quam  non  utilis  modo,  verum  etiam  necessarius  sit  omnibus  sacramentorum  usus,  et  praedicatio  verbi,  quae  subsidia  non  sine  multis  iisque  gravibus  causis  Dominus  suis  in  hac  misera  vita  reliquit.  Quod  reliquum  est  ab  istis  beatis  audies,  quibus  equidem  tantam  invideo  non  sine  magna  causa  felicitatem.  Dominus  Iesus  spiritu  suo  te  confirmet,  et  ecclesiae  suae  incolumem  quam  diutissime  conservet.  Lugd.  27.  Aug.  1548.  Tuus  tuique  observantissimus  HTMN8.  1068.  MYCONIUS  CALVINO.  Plura  narrat  plus  minus  certa  de  Caesaris  moliminibus  et  Interim  a  diversis  vel  recepto  vel  adhuc  repulso.  {Manu  scripta  non  exstat.  Edidit  Beza  Genev.  p.  79,  Laus.  p.  156,  Hanov.  p.  175,  Chouet  p.  105,  Arast.  p.  48.)  Voluit  hic  commendari  per  me  tibi,  ut  viro  docto  et  pio.  Obtemperavi  non  invitus,  nonnisi  ut  te  meis  salutarem.  Fac  igitur,  si  qua  poteris  illi  commodare,  commodes  propter  Dominum,  cui  mihi  videtur  se  devovisse.  Calamitates  huius  tempestatis  non  potes  ignorare:  augentur  in  dies  magis  ac  magis,  eoque  inquietus  ille  *)  nequit  cessare,  1068.  1)  Carolus  Imp.