11:37  1540  MAL  suavissime  frater.  Dominus  te  nobis  conservet.  Argentor.  19.  Maii.  Calvinus  tuus.  218.  CALVINUS  FARELLO.  Genevae  res  in  melius  verti  gaudet,  multa  tamen  adhuc  esse  affirmat  quae  desideret  aliquis,  et  a  reditu,  maxime  si  Farellum  simul  revocare  recusent,  se  usque  abhorrere.  Quis  exitus  fuerit  conventus  Smalcaldici  et  qualis  status  rerum  respectu  publicorum  negotiorum.  Argentoratensia  porro  explicat,  speciatim  quo  modo  ipse  coenae  celebrandae  confessionem  aliquam,  sane  non  papisticam,  praemittere  instituerit,  caett.  (Ex  autographo  Cod.  G-enev.  106,  fol.  39,  coll.  cum  exemplaribus  recentioribus  Cod.  Genev.  l  l  l  ,  fol.  33,  Arch.  Bern.  Epp.  VII.  p.  352,  Simler.  Vol.  48.  .  Anglice  legitur  I.  1.  Tom.  I.  p.  154.  Inscriptio  nulla  adest.)  Quod  tibi  nuper  fueram  pollicitus,  me  de  rebus  omnibus  prolixe  tibi  scripturum,  in  eo  ut  fidem  meam  aliqua  saltem  ex  parte  liberem,  totum  hunc  diem  tibi  destinavi.  Habebis  igitur  plenas  atque  ponderosas  literas,  nisi  qua  forte  negotia  ex  insperato  me  interpellabunt.  De  statu  ecclesiae  Genevensis  fusius  coram  disseremus  ubi  huc  veneris:  mihi  sane  periucundus  fuit  ille  nuncius,  quum  audirem  qualemcunque  finem  discordiis  ac  contentionibus  esse  impositum.  Nihil  enim  boni  de  misera  illa  urbe  sperari  posse  semper  putavi,  quamdiu  illo  fatali  malo  laboraret.  Tantum  optarem  in  Domino  ipsos  coaluisse:  nam,  quemadmodum  tu  quoque  dicis,  nisi  Tinoulum  nostrae  consensionis  sit  Christus,  maledicta  erit.  Quorsum  enim  proficiet  extra  Christum  conspirare,  quum  audiamus  dissipatum  iri  a  Domino  omnes  eiusmodi  syncretismos?  Ego  vero  nondum  video  illos  in  Dominum  respicere  ut  oportuerat,  siquidem  nec  quid  egerint  satis  cogitant,  nec  ad  corrigendum  id  ipsum  quod  peccarunt  animos  applicant.  Periculum  ergo  est  ne  hac  sua  inter  se  inita  reconciliatione1)  nimis  securi,  de  facienda  autem  cum  Domino  pace  parum  solliciti,  luant  tandem  graves  poenas  huius  securitatis.  Proinde,  tametsi  nonnihil  resipuerunt,  quum  ex  tantis  simultatibus  redierunt  simul  in  gratiam,  non  tamen  adhuc  eam  mentem  induerunt  quae  optanda  illis  esset.  Verum  est  id  aliquid  quod  coeperunt  esse  aliquantulum  sanabiles,  etiamsi  nondum  sanitati  sint  restituti.  218.  1)  in  solenni  civium  conventu  Cal.  Febr.  congregate.