10.1:37  ORDONNANCES  six  sepmaines.  S'il  ne  comparoist  dedans  le  terme,  que  1a  fille  ou  1a  femme  soit  declaree  libre,  en  le  bannissant  pour  sa  desloyaute.  S'il  comparoit,  qu'on  le  contraingne  de  celebrer  le  mariage  au  premier  iour  qui  se  pourra  faire.  Que  si  on  ne  scait  en  quel  pays  il  est  alle  et  que  la  fille  ou  la  femme  avec  les  plus  prochains  amys  d'icelluy  iurent  qu'ilz  en  sont  ignorans,  qu'on  face  les  mesmes  proclamations  comme  si  on  luy  avoit  notiffie,  tendant  a  fin  de  la  delivrer.  S'il  avoit  eu  quelque  iuste  raison  et  mesme  qu'il  eust  adverty  sa  partie,  que  la  fille  ou  la  femme  attende  l'espace  d'ung  an,  devant  qu'en  son  absence  on  puisse  proceder  contre  luy.  Et  cependant  que  la  fille  ou  la  femme  face  diligence  tant  par  elle  que  ses  amys  de  l'induire  a  se  retirer.  Que  si  apres  l'an  passe  il  ne  revenoit  point,  alors  que  les  proclamations  se  facent  en  la  maniere  que  dessus.  Que  le  semblable  soit  observe  contre  la  fille  ou  la  femme,  excepte  que  le  mari  ne  sera  point  contrainct  d'attendre  ung  an,  encore  qu'elle  fust  partie  du  sceu  et  consentement  d'icelluy,  sinon  qu'il  luy  eust  concede  de  faire  voyage  qui  requist  une  si  longue  absence.  Et  au  reste*)  quand  elle  seroit  comparue  et  que  le  mary  proposast  qu'elle  eust  commis  faulte  contrevenante  a  l'honnestete  de  mariage,  qu'il  fust  ouy  pour  iuger  comme  de  raison.  Si  une  fille  estant  dernierement  liee  par  promesse  est  transportee  frauduleusement  hors  du  territoire,  afin  de  ne  point  accomplir  le  mariage,  qu'on  s'enquierre  s'il  y  a  nul  en  la  ville  qui  ayt  ayde  a  cela,  afin  qu'il  soit  contraint  de  la  faire  retourner  soubs  telle  peine  qu'il  sera  advise,  ou  bien  si  elle  a  tuteurs  ou  curateurs,  qu'on  leur  enioigne  aussi  bien  de  la  faire  venir  s'il  est  a  eux  possible.  Que  par  faulte2)  de  payement  du  dot  ou  d'argent  ou  d'accoustremens  le  mariage  ne  soit  point  empesche  qu'il  ne  vienne  en  son  plein  effect,  d'autant  que  ce  n'est  que  l'accessoire.  Entre  quelles  personnes  mariage  ne  se  peult  contracter,  et  premierement  des  degrez  de  consanguinite.  3)  En  ligne  directe,  c'est  a  dire  du  pere  a  la  fille  ou  de  mere  au  filz  et  tous  aultres  descendans  consequemment,  que  nul  mariage  ne  se  puisse  contracter,  d'autant  que  cela  contrevient  a  l'honnestete  1)  Cet  article  est  omis  dans  les  Ord.  de  1561.  2)  Ce  paragraphe  est  de  nouveau  place  dans  le  chap.  des  promesses  qui  se  peuvent  rescinder^  dans  la  copie  de  la  V.  C.  et  dans  les  Ord.  de  1561.  3)  Dans  les  memes  copies  l'ordre  des  chapitres  qui  suivent  est  change  et  la  partie  generale  de  ce  titre  omise.