7:369  369-370  IOANNES  CALvlNUS,  PIO  LECTORI.  Aiunt  Catonem,  quum  de  corrigendis  sumptibus  immodicis*)  apud  populum  romanum  verba  facturus  esset,  ita  praefatum  esse,  multum  sibi  fore  negotii,  quia  venter  aures  non  haberet.  Mihi  vero,  si  ad  restituendam  pietatis  doctrinam',  repurgandasque  ecclesiae  corruptelas  hodie  Romanenses  hortarer,  aliquanto  plus  esset  difficultatis.  Neque  enim  cum  surdo  ventre  modo,  sed  etiam  cum  caeca  ambitione  pugnandum  foret.  Videmus  enim  quibuscunque  rationibus  victi  fuerint,  eos  nihilominus  stare  obstinatos,  quia  de  vita  et  honore  sibi  dimicandum  iudicant.  Proinde,  non  ero  tam  ineptus,  ut  eos  ad  sanam  mentem  revocare  frustra  coner.  De  iis  loquor,  quorum  deploratam  omnino  contumaciam  cernimus.  Verum  potius  alio  me  convertam,  ut  agnoscant  pii  omnes,  quam  scelesta  sit  ipsorum  impietas.  Cuius  rei  specimen  minime  obscurum  hic  in  actis  Tridentini  concilii  exhibeo:  ubi  interiores  omnes  suos  sensus  ita  explicarunt,  2)  ut  nemini  dubium  reliquerint,  qualem  habituri  simus  ecclesiae  statum,  si  eorum  stetur  arbitrio.  Verum,  quo  melius  id  pateat,3)  lectores  primum  rogatos  velim  et  monitos,  ut  meum,  De  necessitate  reformandae  ecclesiae,  [pag.  4]  librum,  percurrant:  deinde  conferendo  aestiment,  utram  in  partem  debeant  potius  inclinare.  Genevae  3.  Idus  Novemb.  1547.  1)  les  trop  grandes  superfluitez  qu'ilz  avoyent  en  banquetz  afin  de  corriger  la  gourmandise  estant  alors  a  Kome.  2)  Et  de  fait,  il  ne  faut  point  demander  un  chef  d'oeuvre  plus  notable  que  ces  beaux  actes  du  Concile  de  Trente  que  ie  produis:  ou  ilz  ont  tellement  degorge  ce  qu'ilz  avoyent  au  profond  de  l'estomac  etc.  3)  pour  mieux  entendre  le  totage.  Calvini  opera.  Vol  VIL  24