6:369  DE  LIBERO  ARBITRIO.  colliquescat  cordis  durities,  molleque  ac  sensibile  illi  cor  fiat,  et  aptum  divinis  impressionibus.  Alteram  partem  accipit  pro  iustificante  gratia,  ut  in  Dei  praeceptis  ambulare  incipiat.  Hoc  quidem  solenne  est  eius  artificium,  in  tractanda  scriptura  quodlibet  ex  quolibet  facere.  Propheta  metaphoricam,  qua  usus  fuerat,  loquutionem  simplici  oratione  exponit.  Siquidem  ex  lapideo  cor  facere  carneum,  metaphora  est.  Facere  ut  legi  obediant  homines,  simplex  et  sine  figura  oratio.  Hic  ingeniosus  interpres  ex  re  una  duas  facit.  Iam  verba  prophetae  levibus  argutiis  trahere  ad  suum  propositum  studet.  Quum  se  facturum  promittit  Deus,  ut  in  iustitiis  suis  ambulemus,  non  nisi  cooperantibus  gratiam  hanc  se  daturum  significat.  Hoc  quoque  sensu  David  canit,  facturos  nos  in  Deo  virtutem  (Psal.  60,  14).  Huc  tandem  redeunt  omnia,  sic  Deum  bona  opera  facere  in  hominibus,  ut  simul  ea  faciant  homines:  nec  aliter  efficacem  esse  gratiam,  quam  dum  oblato  nobis  eius  auxilio  non  desumus.  Interea  non  animadvertit,  hanc  quoque  partem  secundum  ea,  quae  citat,  Pauli  verba,  sub  gratia  contineri,  ne  frustra  offeratur,  sed  ad  fructum,  id  est,  ad  effectum  usque  perveniat.  Nam  quum  divini  beneplaciti  opus  esse  dicatur,  et  bona  in  homine  voluntas,  et  qui  inde  nascitur  conatus,  usque  ad  operis  complementum,  offerri  tantum  gratiam,  quae  utilis  demum  futura  sit,  si  eam  recipere  homini  libeat,  minus  certe  dimidio  illius  est.  Atqui  damnationi  esse  gratiam,  si  respuatur,  alibi  idem  Paulus  docet  his  verbis  (Rom.  2,  4.  5):  An  ignoras,  quod  bonitas  Dei  ad  poenitentiam  [pag.  190]  te  adducit?  Tu  autem  secundum  duritiem  cordis  tui  thesaurizas  tibi  iram.  Hypocritas  alloquitur  Paulus,  qui  prospero  rerum  successu  inflati,  quia  Deum  sibi  propitium  esse  imaginantur,  nec  de  resipiscentia  sunt  solliciti,  et  iudicium  Dei  contemnunt.  Quum  ergo  Dei  benignitate  sic  abutantur,  eo  graviorem  fore  Dei  vindictam  minatur,  quo  diutius  eam  distulerit.  Debuit  ergo  Pighius,  tam  peritus,  suo  iudicio,  dividendi  magister  et  artifex,  non  praetermittere,  de  quo  bonitatis  genere  Paulus  illic  disputet.  Nam  externam  Dei  benedictionem,  qua  indifferenter  bonos  iuxta  ac  malos  prosequitur,  cum  spirituali  regenerationis  gratia,  qua  electos  suos  peculiariter  dignatur,  confundere,  hominis  est  parum  considerati.  Neque  vero  tam.  ignorantia  peccat,  quam  malitia.  Quis  enim  puer  huius  argumenti  vitium  non  animadvertat  ac  rideat?  Invehitur  in  eos  Paulus,  quos  Dei  beneficia,  quibus  invitari  ad  poenitentiam  debuerant,  magis  ad  securitatem  confidentiamque  carnis  obstinabant  Ergo  spiritus  sanctificationis  quum  offertur,  respui  potest.  Sequitur  alterum  argumentum.  Pulsare  se  ad  ostium  nostrum  dicit  Christus,  ut  aperiamus  (Apoc*  3,  20).  Quum  ergo  clausum  sit  illi  cordis  nostri  Calvini  opera.  Vol.  VI.