55:369  369  CAPUT  V.  370  quum  aliquo  misericordiae  Dei  sensu  fuerit  praeditus,  eum  simul  de  mediatore  aliquid  tenere  oportuit.  Verum  quia  occultas  et  mirificas  agendi  rationes  habet  Deus,  omissis  quae  nihil  prosunt  speculationibus!  tantum  planam  viam  salutis,  quam  nobis  ostendit,  teneamus.  13.  Haec  scripsi  vobis  credentibus  in  rumen  filii  Dei,  ut  sciatis  quod  vitam  habetis  aeternam:  et  ut  credatis  in  nomen  filii  Dei.  14.  Atque  haec  est  fiducia  quam  habemus  erga  eum,  quod  si  quid  petierimus  secundum  voluntatem  eius,  audit  nos.  15.  Si  autem  novimus  quod  audit  nos,  quum  quid  petierimus:  novimus  quod  habemus  petitiones  quas  postulavimus  ab  eo.  13.  Haec  scripsi  vobis.  Quia  quotidianos  fidei  profectus  esse  oportet:  ideo  se  iis,  qui  iam  crediderunt,  scribere  dicit,  ut  firmius  ac  certius  credant:  atque  ita  plena  vitae  aeternae  fiducia  fruantur.  Hic  ergo  doctrinae  usus  est,  non  tantum  ut  rudes  initiet  in  Christo,  sed  ut  qui  iam  eruditi  sunt,  magis  ac  magis  confirmet.  Ideo  nos  assidue  incumbere  oportet  in  studium  discendi,  ut  fides  nostra  toto  vitae  cursu  augescat.  Nam  et  multae  adhuc  infidelitatis  reliquiae  in  nobis  supersunt,  et  adeo  imbecilla  est  nostra  fides,  ut  hoc  ipsum  quod  credimus,  nondum  sit  solide  credere,  nisi  amplior  confirmatio  accedat.  Porro  operae  pretium  est  notare  quaenam  vera  sit  confirmandae  fidei  ratio:  nempe  dum  officium  et  virtus  Christi  explicatur.  Dicit  enim  apostolus  se  haec  scripsisse:  nempe  quod  non  alibi  quam  in  Christo  quaerenda  sit  vita  aeterna  :  ut  qui  iam  fideles  sunt,  credant,  hoc  est,  proficiant  credendo.  Quare  pii  doctoris  officium  est,  ut  in  fide  discipulos  confirmet,  extollere  quantum  potest  Christi  gratiam:  ut  ea  contenti  nihil  amplius  appetamus.  Hanc  quum  obscurent  modis  omnibus  ac  extenuent  papistae:  satis  hoc  uno  produnt  se  nihil  minus  curare  quam  rectam  fidei  doctrinam.  Imo  hac  causa  magis  fugiendae  sunt  eorum  scholae  quam  omnes  Scyllae  vel  Charybdes:  quia  vix  ingredi  quispiam  eas  possit  sine  certo  fidei  naufragio.  Docet  praeterea  hoc  loco  apostolus,  Christum  esse  proprium  fidei  scopum  :  et  fidei,  quam  habemus  in  eius  nomen,  annexam  esse  salutis  fiduciam.  Hic  enim  credendi  finis,  ut  Dei  filii  simus  ac  haeredes.  14.  Haec  est  fiducia.  Fidem,  cuius  meminit,  a  fructu  commendat:  vel  ostendit  in  quo  praecipue  sita  sit  fiducia:  nempe  quod  pii  intrepido  animo  Deum  invocare  audent:  sicuti  et  Paulus  loquitur  ad  Ephesios  cap.  3,  12,  quod  fide  accessus  nobis  ad  Deum  patet  cum  fiducia.  Et  ad  Romanos  8,  15,  quod  spiritus  os  nobis  reserat,  ut  clamare  non  dubitemus,  Abba,  pater.  Et  sane  si  arcemur  a  Dei  accessu,  nihil  nobis  miserius.  Rursum,  modo  hoc  Calvini  opera.  Vol.  LV.