52:369  369  CAPUT  II.  370  terinas  doctrinas  comparat.  Nam  si  aditum  illis  semel  dederis,  pervadunt  usque  ad  totius  ecclesiae  exitium.  Quum  igitur  tam  noxia  sit  contagio,  mature  occurrere  convenit:  neque  exspectare  dum  progressu  ipso  vires  acquisierit.  Non  enim  tunc  erit  subveniendi  tempus.  Hinc  horribilis  evangelii  exstinctio  in  papatu,  quod  inscitia  pastorum,  vel  inertia,  diu  et  licenter  grassatae  sunt  corruptelae  quae  puritatem  doctrinae  paulatim  abolerent.  Quorum  de  numero.  Monstrat  digito  pestes  ipsas,  ut  sibi  ab  illis  omnes  caveant.  Nam  si  latere  tales  homines,  qui  perniciem  machinantur  toti  ecclesiae,  patimur:  quodammodo  illis  facultatem  damus  ad  nocendum.  Tegenda  quidem  sunt  fratrum  vitia:  sed  quorum  contagio  latius  non  grassatur.  Ubi  autem  multis  est  periculum,  crudelis  est  nostra  dissimulatio,  nisi  in  tempore  malum  ipsum  latens  prodimus.  Quid  enim?  an  ut  uni  parcam,  meo  silentio  peribunt  centum  aut  mille?  Neque  vero  soli  Timotheo  hoc  dictum  Paulus  voluit:  sed  omnibus  gentibus  ac  sacculis  testatam  esse  voluit  duorum  hominum  impietatem,  ut  viam  praecluderet  pravae  et  exitiali  eorum  doctrinae.  Postquam  autem  recessisse  eos  a  veritate  dixit,  speciem  ipsam  erroris  designat,  quod  iactarent  r  e  s  u  r  r  e  c  t  i  o  n  em  esse  factam:  procul  dubio  allegoricam  nescio  quam  resurrectionem  fingendo.  Quod  etiam  hac  aetate  tentarunt  impuri  quidam  canes.  Atque  hoc  artificio  praecipuum  illud  fidei  nostrae  caput  de  resurrectione  carnis  subruit  Satan.  Quod  vetus  est  ac  obsoletum  hoc  delirium,  quod  tam  severe  damnatum  a  Paulo  minus  turbare  nos  debet.  Sed  quum  audimus,  iam  tunc  ab  evangelii  exordio  subversam  fuisse  quorundam  fidem,  tale  exemplum  acuere  debet  nostram  diligentiam,  ut  mature  a  nobis  et  aliis  tantam  pestem  arceamus.  Nam  (quae  ad  vanitatem  est  hominum  propensio)  nulla  est  tam  monstruosa  absurditas,  cui  non  apertae  sint  quorundam  aures.  19.  Firmum  tamen  fundamentum  Dei  stat,  habens  sigillum  hoc.  Novit  Dominus  qui  sint  sui.  Et,  Discedat  ab  iniustitia  quicunque  invocat  nomen  Christi.  20.  In  magna  quidem  domo  non  solum  sunt  vasa  aurea  et  argentea,  sed  etiam  lignea  et  fictilia:  et  alia  quidem  in  honorem,  alia  in  contumeliam.  21.  Si  quis  ergo  expurgaverit  se  ipsum  ab  his,  erit  vas  in  honorem  sanctificatum  et  utile  Domino,  ad  omne  opus  bonum  comparatum.  19.  Firmum  tamen.  Plus  satis  experimur  quantum  pariant  offendiculi  eorum  defectiones,  qui  eandem  nobiscum  fidem  aliquando  sunt  professi.  Praesertim  vero  id  in  hominibus  notis  contingit,  et  quorum  nomen  prae  aliis  celebratum  fuit.  Nam  si  quis  ex  vulgo  deficiat,  non  ita  movemur.  At  vero  qui  ex-  Calvini  opera.  Vol.  Lll.