49:369  369  CAPUT  IV.  370  prehendat:  nam  tales  interdum  vocat  apostolos:  malo  tamen  de  ipso  solo  accipere.  Si  quis  latius  extendere  volet,  facile  patiar:  modo  ne  cum  Chrysostomo  intelligat,  omnes  apostolos  tanquam  ignominiae  causa  in  postremum  locum  reiectos  esse.  Postremos  enim  haud  dubie  vocat,  qui  in  ordinem  apostolicum  post  Christi  resurrectionem  adsciti  fuerant  Concedit  autem  similem  iis  se  esse,  qui  ostentantur  populo  mox  ad  mortem  trahendi.  Hoc  enim  demonstrare  significat:  ut  qui  in  triumpho  circumducebantur  pompae  causa,  et  inde  abripiebantur  in  carcerem  strangulandi.  1d  clarius  exprimit  quum  addit,  se  theatrum  factum  esse.  Haec,  inquit,  mea  est  conditio,  ut  miseriarum  mearum  spectaculum  mundo  exhibeant,  ut  qui  vel  ad  bestias  damnati,  vel  ad  ludum  gladiatorium,  aut  aliud  supplicii  genus,  in  populi  conspectum  producuntur:  nec  id  paucis  spectatoribus  duntaxat,  sed  toti  mundo.  Hic  observa  mirabilem  Pauli  constantiam,  qui,  quum  hoc  modo  tractari  se  a  Deo  videret,  non  tamen  frangebatur  aut  minuebatur  animo.  Neque  enim  impiorum  petulantiae  hoc  imputat,  quod  tanquam  in  ludum  arenarium  cum  ignominia  protrahatur:  sed  totum  Dei  providentiae  tribuit.  Secundum  membrum,  et  angelis  et  hominibus,  expositive  accipio,  in  hunc  sensum:  non  modo  terrae  ludum  et  spectaculum,  sed  etiam  coelo  exhibeo.  Vulgo  hic  locus  de  diabolis  expositus  fuit,  quia  videbatur  absurdum  ad  bonos  angelos  referre.  Verum  non  intelligit  Paulus,  quicunque  suae  calamitatis  sint  testes,  eos  tali  spectaculo  delectari:  hoc  tantum  vult,  se  ita  gubernari  a  Domino,  ut  videatur  ordinatus  esse  ad  praebendum  toti  mundo  ludum.  10.  Nos  stulti  propter  Christum.  Haec  antithesis  tota  est  ironica  et  plena  aculeis:  quoniam  scilicet  indignum  erat  et  absurdum,  Corinthios  modis  omnibus  beatos  esse  et  gloriosos  secundum  carnem,  quum  magistrum  patremque  suum  viderent  extrema  ignominia  et  omne  genus  miseriis  afflictari.  Nam  qui  putant  Paulum  ita  se  deiicere  ut  serio  tribuat  Corinthiis  quae  deesse  sibi  fatetur,  nullo  negotio  refelli  possunt  ex  clausula,  quam  postea  subiungit.  Est  igitur  ironica  concessio,  quod  Corinthios  prudentes  in  Christo  vocat,  et  robustos,  et  nobiles:  quasi  diceret,  vos  una  cum  evangelio  cupitis  retinere  laudem  prudentiae,  quum  ego  non  aliter  Christum  vobis  praedicare  potuerim  quam  si  mundo  stultescerem  :  nunc  quum  vestra  causa  libenter  sustinuerim  stultus  esse  aut  haberi,  reputate  numquid  aequum  sit,  vos  haberi  velle  prudentes.  Quam  male  cohaerent  ista,  me,  qui  fui  magister,  stultum  esse  propter  Christum:  vos  autem  manere  prudentes?  Atque  ita  prudentia  in  Christo  non  accipitur  hic  in  bonam  partem  :  deridet  enim  Corinthios,  quod  Christum  et  prudentiam  carnis  simul  miscere  vellent:  quod  hoc  esset  res  prorsus  dissi-