47:369  369  CAPUT  XVI.  370  cerdos  ut  pro  suis  intercederet,  nondum  sanguine  suo  viam  dedicaverat.  Non  igitur  mirum  si  mediator  non  fuit  agnitus  sicuti  nunc,  ex  quo  in  coelo  pro  nobis  apud  patrem  apparet,  sacrificio  suo  eum  nobis  reconcilians,  ut  audeamus  nos  miseri  homunciones  illuc  cum  fiducia  prodire.  Nam  certe  Christus  peracta  expiatione  in  coelum  receptus  mediatorem  se  palam  ostendit.  Caeterum  notanda  est  tam  frequens  repetitio  huius  particulae,  quod  nos  in  Christi  nomine  orare  deceat,  ut  sciamus  impiam  esse  profanationem  nominis  Dei,  quum  quis  ipso  praeterito  sistere  se  audet  ad  Dei  tribunal.  Quod  si  animis  nostris  probe  infixa  erit  haec  persuasio,  Deum  nobis  libenter  et  large  daturum  esse  quidquid  filii  nomine  petierimus,  non  advocabimus  hioc  inde  diversos  patronos  in  subsidium,  sed  uno  illo  contenti  erimus,  qui  toties  ac  tam  benigne  suam  operam  nobis  defert.  Porro  dicimur  orare  in  Christi  nomine,  quum  illum  nobis  advocatum  statuimus,  qui  gratiani  apud  patrem  conciliet,  etiamsi  nomen  eius  labiis  diserte  non  exprimimus.  24.  Petite.  Hoc  ad  tempus  manifestationis  refertur,  quae  paulo  post  futura  erat.  Quo  minus  excusabiles  hodie  sunt,  qui  fictis  sanctorum  patrociniis  hanc  doctrinae  partem  obscurant.  Veterem  populum  oportuit  oculos  ad  umbratilem  suum  pontificem  et  pecudum  victimas  convertere,  quoties  precari  vellet.  Nos  igitur  plus  quam  ingrati,  nisi  sensus  omnes  in  verum  sacerdotem  defixos  tenemus,  qui  propitiator  nobis  est  exhibitus,  per  quem  nobis  facilis  et  pervius  sit  aditus  ad  thronum  gloriae  Dei.  Addit  postremo,  ut  gaudium  vestrum  plenum  sit:  quo  significat  nihil  ad  perfectam  bonorum  omnium  copiam,  nihil  ad  summam  votorum,  nihil  ad  tranquillam  satietatem  defore,  si  modo  in  suo  nomine  a  Deo  postulemus  quidquid  nobis  opus  est.  25.  Haec  in  proverbiis  loquutus  sum  vobis:  sed  venit  hora  quando'  non  amplius  in  parabolis  vobiscum  loquar,  sed  palam  de  patre  annuntiabo  vobis.  26.  In  illa  hora  in  nomine  meo  petitis,  et  non  dico  vobis,  quod  ego  rogabo  patrem  pro  vobis:  27.  Ipse  enim  pater  amat  vos  quia  vos  me  amastis,  et  credidistis  quod  ego  a  Deo  exivi.  28.  Exivi  a  patre,  et  veni  in  mundum:  rursus  relinquo  mundum  et  proficiscor  ad  patrem.  25.  Haec  in  proverbiis.  Consilium  Christi  est  animos  addere  discipulis,  ut  de  meliore  profectu  bene  sperantes  non  putent  inutilem  esse  quam  audiunt  doctrinam,  quamvis  in  ea  non  multum  assequantur.  Poterat  enim  illis  obrepere  suspicio,  Christum  nolle  intelligi  ac  de  industria  ipsos  tenere  suspensos.  Brevi  igitur  fore  denuntiat  ut  doctrinae  fructum  sentiant,  quae  sua  obscuritate  fastidium  in  eorum  animis  creare  poterat.  7$O  Hebraeis  proverbium  interdum  significat:  qnia  autem  pro-  Ccdvini  opera.  Vol.  XLVII.