41:369  369  SUR  LB  VI.  CHAP.  DE  DANIEL.  370  raporte  qu'on  ha  tousiours  accoustume  de  souffler  aux  oreilles  des  princes,  ceci  et  cela,  et  sur  tout  qu'il  est  bien  difficile  que  deux  princes  puissent  demeurer  paisibles,  quand  ils  gouvernent  tous  deux,  qu'il  n'y  ait  quelque  contradiction,  soit  d'un  coste,  soit  d'autre.  Ainsi  donc  nous  voions  qu'en  ce  que  recite  ici  Daniel,  il  y  ha  un  certain  accord  avec  ceux  qui  ont  escrit  les  choses  a,  la  verite,  c'est  a  scavoir,  que  Ciaxares,  lequel  est  nomme  Darius  de  Mede,  a  cause  qu'il  estoit  fils  d'Aspiages  Roy  des  Medes,  que  celuy  la  entra  en  possession  du  Royaume  de  Chaldee.  Et  pourquoy  Cyrus  n'est-il  point  nomme?  c'est  pour  ce  qu'il  ne  vouloit  rien  usurper  par  dessus  son  oncle,  et  son  beau  pere,  mais  qu'il  se  vouloit  maintenir  soubs  luy  comme  son  fils.  Ainsi  donc  il  sera  bien  dit  encores  ci  apres,  que  Darius  de  Mede  estoit  Roy  de  Babilonne,  mais  ce  n'est  pas  que  Cyrus  ne  le  fust  quant  et  quant,  car  c'estoit  luy  qui  avoit  este  choisi  de  Dieu  pour  la  delivrance  de  son  peuple,  comme  mesmes  il  avoit  este  nomme  par  le  Prophete  Isaye.  Les  historiens  prophanes  disent  bien,  qu'il  est  nay  d'un  homme  qui  n'estoit  point  de  grand  estat,  ne  de  grande  autorite,  mais  tant  y  ha  neantmoins  que  Dieu  l'avoit  marque,  et  le  scait  bien  faire  nommer  par  son  Prophete  Isaye,  car  devant  que  son  peuple  fust  mene  en  captivite,  il  estoit  dit:  Pour  les  peches  et  les  rebellions  du  peuple  il  sera  mene  captif  en  terre  estrange,  pour  estre  la  en  servitude  bien  dure  et  bien  cruelle,  mais  Dieu  ha  un  serviteur  qu'il  ha  nomme  Cyrus,  lequel  est  ordonne  de  luy  pour  la  delivrance  de  son  peuple.  Voila,  di-ie,  comme  Isaye  declare  ces  choses,  et  en  quel  temps.  Il  y  ha  succede  plusieurs  Roys  l'un  apres  l'autre,  devant  que  le  peuple  fust  mene  en  captivite.  Depuis  il  y  ha  soixante  ans  (comme  il  avoit  este  predit  par  Ieremie).  Voici  donc  le  Prophete  Daniel  qui  nomme  Cyrus,  lequel  avoit  este  nomme  cent  ans  auparavant  par  le  Prophete  Isaye,  et  qui  luy  ha  impose  ce  nom  la.  Les  historiens  prophanes  disent  que  les  bergers  des  champs  l'ont  ainsi  nomme,  mais  tant  y  ha  qu'ils  ne  luy  ont  point  donne  autre  nom  (comme  nous  le  voions),  sinon  ainsi  que  Dieu  l'avoit  nomme  en  son  conseil,  lequel  est  inconneu  aux  hommes.  Ainsi  donc  nous  avons  ici  une  histoire  veritable,  a  laquelle  nous  devons  bien  estre  attentifs.  Ainsi  que  nous  ne  la  Usions  point  comme  en  passant,  car  nous  j  avons  deux  choses  qui  emportent  doctrine  et  instruction  pour  nous.  En  premier  lieu,  il  nous  faut  noter  que  ce  changement  qui  est  avenu  au  Royaume  de  Chaldee,  n'a  point  este  fait  seulement  pour  les  Perses,  et  les  Medes,  mais  c'ha  este  pour  le  peuple  de  Dieu,  qui  estoit  la  detenu  captif.  Il  est  vray  que  Dieu  veut  punir  les  Chaldeens,  lesquels  avoient  domine  en  trop  grande  tirannie,  il  veut  punir  le  Roy  Balsazar,  a  cause  de  sa  grande  Calvini  opera.  Vol.  XLI.