32:369  369  PSALMUS  CXXXVII.  370  tunc  fuisse.  Nam  etsi  neque  pium  neque  consultum  erat,  exacerbare  suum  dolorem,  non  mirum  tamen  est  publica  cantica  usque  ad  reditum  distulisse,  quum  eos  ferulae  Dei  ad  querimonias  et  luctum  cogerent.  3.  (Tunc  quaesierunt  a  nobis.)  Non  dubium  est,  sub  barbara  illa  tyrannide  aspere  et  duriter  tractatos  fuisse  Israelitas.  Summum  tamen  malorum  cumulum  fuisse  intelligunt,  quod  probrose  insultaverint  victores  atque  etiam  illuserint:  quia  non  tam  propositum  erat  vulnerare  miseros  exsules,  quam  blasphemias  in  Deum  iaculari.  Neque  enim  sacra  cantica  audire  Babyloniis  libebat,  neque  etiam  forte  passi  essent  publice  apud  se  celebrari  Dei  nomen:  sed  ironica  fuit  loquutio,  ac  si  probrose  iactarent,  levitas,  qui  prius  solebant  resonare  sacra  cantica,  iam  obmutuisse:  quasi  dicerent,  An  mortuus  est  Deus  vester,  cui  antehac  soliti  estis  canere?  Nam  si  eum  oblectat  vestra  musica,  cur  cessatis?  Posterius  membrum  versus  varie  torquent  interpretes,  quidam  enim  nomen  lJ^Vin  deducunt  a  verbo  ypi  quod  est  ululare:  ac  vertunt,  pro  ululatibus  nostris  laetitiam.  Alii  transferunt,  suspensiones  laetitiae.  Sunt  qui  participii  vice  accipiant,  a  verbo  77n  quod  est  insanire:  ac  si  dictum  esset,  Insanientes  contra  nos.  Sed  quum  proximo  versu  verbum  I  J  ^  n  posuerit,  radicem  huius  nominis  pro  suspendere,  simplicior  mihi  visa  est  illa  quam  sequutus  sum  lectio.  4.  (Quomodo  cantabimus.)  Hic  contra  superbam  insultationem  excelso  et  magnifico  responso  fideles  instruit  propheta,  quod  in  terra  polluta  abstineant  a  canticis,  sicuti  a  sacrificiis  legalibus.  Nam  licet  Iudaeos  putarent  Chaldaei  exsilii  loco  affixos  esse,  propheta  terram  alienam  vocando  significat  nonnisi  ad  tempus  illic  hospitari:  praecipue  tamen  significat  indignam  esse  Chaldaeam  tanto  honore  ut  illic  personent  Dei  laudes.  Certum  quidem  est,  filios  Dei,  ubicunque  viverent,  semper  fuisse  peregrinos  in  mundo  :  sed  quia  terra  Chanaan  sacra  erat  eius  quies,  merito  dicit  propheta  exteros  et  inquilinos  fuisse  in  aliis  regionibus:  atque  hoc  modo  semper  ad  reditum  paratos  et  accinctos  esse  iubet,  tacite  confirmans  Ieremiae  vaticinium,  quo  tempus  exsilii  praefixum  erat,  Ierem.  25,  l  l  et  29,  10,  ne  patriae  unquam  obliviscerentur.  Interea  constantia  fideles  animat,  ne  quibus  minis  territi  se  permisceant  Babyloniis,  sicuti  hodie  quamvis  sub  papatu  instet  grave  periculum  fidelibus,  nisi  ad  receptos  mores  se  conforment,  hoc  tamen  interstitio  ab  omni  impia  simulatione  eos  spiritus  sanctus  disiungit.  Nam  Gallis,  Italis,  et  Anglis,  quibus  cordi  ac  studio  est  sincera  pietas,  quamdiu  degunt  sub  illa  tyrannide,  patria  sua  vere  aliena  est  regio.  Quanquam  inter  nos  et  veterem  populum  aliquid  est  discriminis,  tunc  enim  nonnisi  uno  in  loco  fas  erat  Deum  co-  Galvini  opera.  Vol  XXXII.