9:368  damnatos  esse  adiungit.  Quid,  phrenetice?  Quum  ecclesiae  nomen  Athanasio  eiusque  collegis  tribuas,  unde  mox,  nisi  ex  ore  impurissimo,  tanta  eos  insectandi  erumpit  audacia?  Quum  tibi  instar  oraculi  sit  Nicaena  confessio,  [pag.  10]  cuius  frontis  est,  eum  a  quo  profecta  est,  tam  contumeliose  proscindere?  Certe  ut  es  omnis  liberalis  doctrinae  ignarus,  nunquam  didicisti  tam  Nicaenae,  1)  quam  Alexandrinae  synodo  praefuisse  Athanasium,  atque  eius  decreto  damnatos  fuisse  haereticos,  quorum  erroribus  socium  et  suffragatorem  te  adiungis.  Quid  hac  impudentia  foedius?  Atque  haec  una  furendi  causa,  quod  Athanasius  filium  facit  αὐτόθεον.  Unde  perspicuum  fit  hunc  esse  causae  statum,  quod  contendit  Valentinus  Christum  aliunde  esse  Deum,  qui  ab  alio  mutuatus  sit  id  quod  est.  Valde  enim  logodaedalum,  qui  eius  personam  sumpsit,  delectant  istae  voces  :  unum  esse  Deum  patrem,  qui  et  sit  αὐτόθεος,  et  solus  αὐτουσίαν  in  se  habeat.  Quod  si  recipitur,  concident  quaecunque  scripturae  testimonia  in  hanc  rem  citantur  ab  apostolis.  Clamat  Gentilis,  solius  esse  hoc  patris  elogium,  nec  Christo  commune:  Ego  sum  Deus,  et  praeter  me  non  est  alius.  Paulus  autem:  Sistemur  omnes  ad  tribunal  Christi:  quia  scriptum  est:  Vivo  ego,  dicit  [pag.  l  l  ]  Dominus,  mihi  flectetur  omne  genu  (Rom.  14,  10  sq.).  Videmus  ut  ad  Christi  personam  accommodet  quidquid  apud  Iesaiam  gloriae  et  imperii  sibi  vendicat  Deus.  Quid  magis  proprium  est  Deo,  quam  vivere?  aut  quid  aliud  est  αὐτουσία?  Hanc  gloriam  Paulus  Christo  cum  patre  communem  facit.  Dicitur  in  Psalmo:  Coeli  peribunt:  tu  autem  idem  es  semper  Deus.  Hoc  Christo  Valentinus  pugnaciter  eripit:  apostolus  autem  de  eo  dictum  esse  interpretatur  (Hebr.  1,  ll).  Quid  plures  locos  congerere  attinet,  quorum  passim  copia  occurrit?  Sed  verba  concilii  Nicaeni  sonant,  Deum  esse  de  Deo.  Dura  loquutio,  fateor,  sed  ad  cuius  tollendam  ambiguitatem  nemo  potest  esse  magis  idoneus  interpres,  quam  Athanasius,  qui  eam  dictavit.  Et  certe  non  aliud  fuit  patrum  consilium,  nisi  manere  originem  quam  ducit  a  patre  filius,  personae  respectu,  nec  obstare  quominus  eadem  sit  utriusque  essentia  et  deitas:  atque  ita,  quoad  essentiam,  sermonem  esse  Deum  absque  principio:  in  persona  autem  filii  habere  principium  [pag.  12]  a  patre.  Desinat  ergo  latrare  Valentinus,  scripturam  non  nisi  uni  patri  essentialem  deitatem  tribuere.  Nam  quoties  vel  apud  Mosen,  vel  apud  prophetas  loquitur  Deus,  non  comparat  se  filio,  ac  si  hunc  ornando  ipsum  minueremus,  sed  idolis  se  opponit:  quae  nisi  in  nihilum  redigantur,  non  obtinet  ipse  in  solidum  quod  suum  est.  1)  Beza  hic  in  parenthesi  addit:  si  rem  spectes,  quod  et  Amst.  recepit.