6:368  liberi  arbitrii  donum  adiuvat  ac  promovet,  invenire  se  tradit.  Primus  est,  quo  iustificationem  praevenit,  et  eandem  ut  desideremus,  nos  provocat,  conantibus  ad  eandem  manum  adiutricem  porrigit,  laborantibus  succurrit.  Quid  audio?  Si  ad  desiderandam  gratiam  provocamur,  [pag.  188]  ubi  illud,  quod  vicesimo  ante  versu  posuerat?  Deum  benigno  suo  aspectu  dignari  neminem,  nisi  qui  aversus  ab  iniquitate,  corde  contrito  et  humiliato  ad  ipsum  conversus,  eius  misericordiam  imploret,  petat  veniam,  speret  misericordiam?  Quis  non  dicat  nimis  obliviosum  esse,  cui  tam  adversa  inter  se  et  pugnantia  uno  fere  momento  excidant?  Certe  benigno  aspectu  eum  iam  dignatus  est  Deus,  quem  ad  pia  sanctaque  desideria  excitat.  Hoc  autem  ipsum  quid  aliud  est,  quam  omnes  bonos  cordis  motus  praevenire?  Pergamus  tamen.  Hanc,  inquit,  praevenientem  gratiam  sacri  doctores  appellant.  Loquuntur  illi  quidem  saepe  de  praeveniente  gratia:  sed  longe  alio  modo.  Neque  enim  hac  inchoari  ita  fingunt  in  nobis  voluntatem  bonam,  ut  nos  iam  cooperemur  (sicut  persuadere  vult  Pighius),  sed  illius  in  solidum  hoc  opus  esse  praedicant.  Nihil  sine  nobis,  inquit  Pighius.  Augustinus  autem,  prorsus  sme  nobis.  Haec  enim  sunt  utriusque  verba:  Non  tantum  ex  nolentibus  fieri  volentes,  sed  ex  repugnantibus  obsequentes,  docet  Augustinus.l)  Hic,  ut  assentiamur,  in  nobis  situm  esse  contendit.  Hanc  gratiam  negat  Augustinus  invenire  bonas  hominum  voluntates,  sed  facere.2)  Item  alibi  :  3)  Quis  autem  confugit  ad  gratiam,  nisi  quum  a  Domino  gressus  hominis  diriguntur?  Ac  per  hoc,  etiam  desiderare  auxilium  gratiae,  iam  initium  gratiae  est.  Pighius  nullum  gratiae  effectum  agnoscit,  nisi  a  se  ipso  bene  velit  homo.  Quid  ergo,  ob  solam  nudamque  verbi  similitudinem,  impio  suo  commento  veterum  nomen  praetexit,  a  quibus  in  rei  definitione  ex  diametro  dissidet?  Perinde  enim  est,  ac  si  quis  Deum  esse  definiat  corporeum  ac  mortale  animal:  postea  adiiciat  id  esse,  quod  sacri  doctores  Deum  appellant.  Sequitur  alter  effectus  iustificantis,  et  tertius  coronantis  gratiae:  in  quibus  explicandis  ne  quid  sibi  simile  accidat,  vix  tria  verba  balbutire  audet.  Hoccine  est  definire?  ac  non  potius  conturbare  ac  confundere  omnia,  [pag.  189]  quae  per  se  alias  satis  bene  distincta  erant?  Nihil  tamen  aliud  sentire  se  allegat,  quam  quod  istis  Ezechielis  verbis  continetur:  Dabo  vobis  cor  novum,  et  spiritum  novum  in  vobis  ponam  et  auferam  cor  lapideum  de  carne  vestra,  et  dabo  vobis  cor  carneum,  faciamque  ut  in  praeceptis  meis  ambuletis  (Ezech,  l  l  ,  19  et  36,  26).  Hanc  enim  praevenientem  gratiam  interpretatur,  ut  in  peccatore  1)  De  gratia  et  libero  arbitrio  17.  2)  Ibid.  c.  2.  3)  De  correptione  et  gratia.