54:368  tente,  dit  sainct  Paul.  Quand  donc  tu  vois  que  tes  prochains  auront  failli,  que  te  reste-il  sinon  de  prier  pour  eux,  attendu  que  tu  as  besoin  qu'on  face  le  semblable  pour  toy?  Voila  donc  ce  que  nous  avons  a,  noter.  Cependant  nous  voyons  que  c'est  une  vertu  admirable  de  Dieu,  de  persister  constamment  quand  il  est  question  de  maintenir  la  doctrine  de  l'Evangile.  Sainct  Paul  parle  de  ceux  qui  estoyent  comme  les  premices  en  l'Eglise  de  Dieu,  c'estoyent  comme  la  fleur  des  eleus:  voila  Dieu  qui  a  commence  d'appeller  ceux  dont  il  parle,  et  mesmes  il  les  constitue  comme  ministres.  Ils  n'estoyent  pas  seulement  trois  ou  quatre  fideles  a  Rome:  il  est  vrai  que  l'Eglise  n'estoit  qu'une  petite  poignee  de  gens,  en  comparaison  de  ceste  grande  multitude  qui  estoit  en  ceste  grande  ville:  car  elle  estoit  peuplee  alors  comme  un  pays:  mais  si  est-ce  qu'encores  la  compagnie  des  fideles  estoit  assez  grande,  et  toutesfois  il  ne  s'en  trouve  pas  un  qui  assiste  a  sainct  Paul.  Il  a  Luc  avec  soy,  et  tout  le  reste  luy  defaut.  Quand  donc  nous  voyons  cela,  baissons  la  teste,  scachans  bien  que  si  Dieu  ne  nous  donne  secours  de  la  vertu  d'enhaut,  que  nous  luy  serons  traistres  au  besoin:  et  sur  tout  quand  il  sera  question  de  maintenir  sa  verite,  chacun  le  delaissera,  chacun  s'en  voudra  exempter.  Or  il  est  vray  que  c'est  un  peche  grand  et  enorme  que  cestuy-ci:  mais  quoy  qu'il  en  soit,  si  est-ce  qu'il  faut  que  les  hommes  se  cognoissent  iusques  la,  de  se  desfier  d'euxmesmes,  voyans  qu'il  n'est  point  en  eux  de  se  pouvoir  soustenir.  Que.  sera-ce  donc  si  Dieu  ne  nous  maintient?  Car  nous  oyons  ceste  horrible  sentence  que  prononce  nostre  Seignur  Iesus  Christ,  Que  quiconques  l'aura  nie  devant  les  hommes,  il  le  niera  devant  Dieu  son  Pere  qui  est  es  cieux.  Et  si  Dieu  n'eust  fait  une  singuliere  misericorde  a  ceux-ci,  ils  estoyent  tous  perdus:  entant  qu'en  eux  estoit,  ils  s'estoyent  bannis  du  royaume  de  Dieu,  ils  avoyent  renonce  le  salut  qui  leur  estoit  une  fois  presente  par  l'Evangile.  Ainsi  donc  nous  avons  bien  occasion  d'avoir  la  bouche  close,  et  de  souspirer,  voyans  la  povrete  qui  est  en  nous,  et  que  si  Dieu  ne  nous  fortifioit,  a  chacune  minute  de  temps  nous  pourrions  nous  abysmer,  nous  serions  en  train  de  faire  un  faux  pas  pour  nous  rompre  le  col,  voila  donc  de  quoy  nous  devons  estre  enseignez  en  ce  passage.  Cependant  nous  voyons  quelle  verisimilitude  il  y  a  en  ce  quo  les  Papistes  alleguent,  que  sainct  Pierre  a  este  le  premier  Evesque  de  Rome.  Car  si  on  veut  croire  a  leurs  chroniques,  luy  et  sainct  Paul  estoyent  d'un  mesme  temps.  La  dessus  ils  disent  qu'ils  sont  morts  en  un  meBme  iour:  c'est  a  dire  l'an  revolu,  mais  que  iour  pour  iour  ils  ont  este  meurtris.  Or  sainct  Paul  parle  ici  de  sa  premiere  defense:  il  faloit  qu'alors  sainct  Pierre  fust  a  Rome.