52:368  mutilant,  alii  discerpunt,  alii  contorquent,  alii  disrumpunt,  alii  in  cortice  (ut  dixi)  haerentes  non  perveniunt  ad  ipsam  animam.  His  omnibus  vitiis  opponitur  recta  sectio:  hoc  est  explicandi  ratio  ad  aedificationem  formata.  Est  enim  quasi  regula  ad  quam  exigere  convenit  omnem  scripturae  interpretationem.  16.  Caeterum  profanas.  Quid  de  his  vocabulis  sentiam,  dixi  ultimo  capite  epistolae  prioris:  inde  igitur  petant  lectores.  Quo  autem  magis  deterreat  Timotheum  ab  ista  profana  et  sonora  garrulitate,  admonet  quemdam  esse  veluti  labyrinthum,  vel  potius  profundum  gurgitem,  unde  nullus  pateat  exitus,  sed  in  quem  magis  se  ac  magis  demergant  homines.  17.  Et  sermo  eorum1  ut  gangraena.  Admonuit  me  Benedictus  Textor  medicus,  hunc  locum  male  ab  Erasmo  versum  fuisse,  qui  ex  duobus  morbis  plane  diversis  unum  fecit.  Cancrum  enim  posuit  loco  gangraenae.  Atqui  Galenus  quum  in  aliis  locis  passim,  tum  vero  ubi  definitiones  ponit  in  libello  De  tumoribus  praeter  naturam  alterum  destinguit  ab  altero.  Et  Paulus  Aegineta  ex  illius  autoritate  libro  sexto  cancrum  ita  definit:  tumorem  esse  inaequalem,  oris  tumidis,  adspectu  tetrum,  lividum,  et  absque  dolore.  Postea  duas  species  recenset,  ut  faciunt  alii  medici.  Quosdam  enim  cancros  esse  latentes  sine  ulcere:  quosdam  vero  ulcerosos,  ubi  scilicet  praevalet  atra  bilis  ex  qua  gignuntur.  De  gangraena  autem  Galenus  tam  in  libello  iam  citato,  quam  libro  secundo  ad  Glauconem,  Aetius  item  libro  decimo  quarto,  et  idem  Aegineta  libro  quarto  sic  loquuntur:  eam  provenire  ex  magnis  phlegmonis,  si  in  aliquod  membrum  violenter  incubuerint,  ita  ut  pars  illa  destituta  calore  et  spiritu  vitali  ad  exstinctionem  tendat.  Quod  si  emortua  penitus  fuerit,  tunc  morbum  Graeci  sphacelon  vocant,  Latini  siderationem,  vulgus  ignem  sancti  Antonii.  Reperio  quidem  Cornelium  Celsum  ita  distinguere,  ut  cancer  sit  genus,  gangraena  species.  Verum  eius  error  ex  compluribus  probatae  fidei  medicorum  locis  palanl  refellitur.  Potuit  autem  eum  fallere  vocum  affinitas  cancer  et  gangraena.  Sed  in  graecis  vocibus  non  potest  similis  esse  hallucinatio.  Kapxfvov  enim  illi  cancrum  appellant,  tam  animal  quam  morbum:  quum  gangraenam  putent  grammatici  deduci  axco  xoO  ypatvetv,  quod  est  edere.  Proinde  retinendum  est  hic  vocabulum  gangraenae  quo  usus  est  Paulus:  quod  etiam  pastioni  optime  convenit.  Iam  etymologiam  notavimus.  Sed  omnes  medici  talem  eius  naturam  esse  affirmant,  ut  nisi  quam  ocissime  succurras,  ad  contiguas  partes  serpat,  adeoque  in  ossa  penetret,  nec  grassandi  finem  faciat,  nisi  homine  exstincto.  Quum  ergo  gangraenam  protinus  sequatur  vexpcoatc,  vel  sideratio,  quae  mox  suo  contagio  inficit  reliqua  membra  usque  ad  universalem  corporis  interitum,  eleganter  cum  tam  exitiali  contagione  Paulus  adul-