49:368  atque  omnibus  numeris  beati  sibi  tantopere  placeant:  et  gradatim  quidem  procedit  in  exprimenda  eorum  insolentia.  Primum,  s  a  t  u  r  a  t  o  s  esse  dicit,  quod  ad  praeteritum  refertur:  deinde  adiungit  ditatos,  quod  ad  futurum  pertinet.  Postremo  dicit  regnum  adepto  s,  quod  longe  plus  est  quam  utrumque  illorum;  quasi  diceret:  Quid  fiet  vobis,  quum  non  modo  saturi  in  praesens  vobis  videamini,  sed  in  futurum  quoque  divites,  imo  reges?  Simul  ingratitudinem  illis  tacite  exprobrat,  quod  eum  despicere  auderent:  vel  eos  potius,  per  quos  omnia  erant  adepti.  Absque  nobis,  inquit:  ego  enim  et  Apollos,  quorum  tamen  opera  Dominus  omnia  vobis  contulit,  nulli  iam  apud  vos  sumus.  Quam  est  hoc  inhumanum,  placere  sibi  in  Dei  donis,  et  eos  interea;  per  quos  illa  sis  consequutus,  despicere?  Atque  utinam  sitis  adepti.  Hic  testatur  neque  se  illis  invidere  felicitatem,  si  quam  habeant,  nec  se  initio  hoc  quaesisse  ut  apud  eos  regnaret:  sed  tantum  ut  eos  adduceret  ad  regnum  Dei.  Ex  adverso  tamen  significat,  imaginarium  esse  regnum  illud,  quo  superbiebant,  falsam  et  perniciosam  esse  ipsorum  gloriationem.  Hanc  enim  solam  veram  esse,  qua  fruuntur  omnes  in  commune  filii  Dei  sub  capite  Christo,  et  quisque  pro  modo  gratiae  sibi  datae.  Nam  his  verbis,  ut  et  nos  vobiscum  regnemus,  hoc  significat:  Adeo  estis  opinione  vestra  gloriosi,  ut  non  dubitetis  me  despicere  et  mei  similes:  at  videte  quam  frustra  superbiatis:  neque  enim  ulla  potest  esse  vestra  gloria  coram  Deo  cuius  non  simus  consortes:  nam  si  Dei  evangelium  habere  vobis  gloriosum  est,  quid  nobis,  quorum  ministerio  ad  vos  delatum  est?  Et  certe  haec  amentia  superbis  omnibus  communis  est,  ut,  omnia  ad  se  rapiendo,  bonis  omnibus  se  denudent,  imo  spe  aeternae  salutis  se  abdicent  9.  Existimo  enim  quod  Deus  nos  postremos  apostolos  demonstraverit  tanquam  morti  destinatos:  nam  theatrum  facti  sumus  mundo,  et  angelis,  et  hominibus.  10.  Nos  stulti  propter  Christum,  vos  autem  prudentes  in  Christo:  nos  infirmi,  vos  autem  robusti:  vos  gloriosi,  nos  autem  ignobiles.  11.  Ad  hanc  enim  horam  usque  et  sitimus,  et  esurimus,  et  nudi  sumus,  et  colaphis  caedimur,  12.  et  circumagimur,  et  laboramus  operantes  manibus  propriis  :  maledictis  lacessiti,  benedicimus:  persequutionem  patientes,  sustinemus:  13.  convitiis  affecti,  obsecramus:  quasi  exsecrationes  mundi  facti  sumus,  omnium  reiectamentum  usque  ad  hunc  diem.  14  Non  quo  pudorem  vobis  incutiam,  haec  scribo:  sed  ut  filios  meos  dilectos  admoneo.  15.  Nam  etsi  decem  millia  paedagogorum  habueritis  in  Christo,  non  tamen  multos  patres:  in  Christo  enim  Iesu  per  evangelium  ego  vos  genui.  9.  Existimo  enim.  Incertum  est,  de  se  ne  loquatur  solo,  an  Apollon  etiam  et  Sjlvanum  com-