41:368  grand  prince:  mais  quand  il  oit  qu'il  y  ha  un  fils  masle,  il  commande  qu'on  le  tue,  ce  qui  ne  se  fait  point  neantmoins,  car  on  cache  l'enfant,  et  est  nourri  comme  inconneu,  iusqu'a  quelque  temps,  puis  quand  il  est  grand,  il  suscite  de  faire  la  guerre  a  son  grand  Pere,  et  usurper  le  Royaume.  Or  cependant  ceux-la  pensent  qu'il  n'y  avoit  que  Cyrus  qui  dominast,  et  qu'il  eust  mis  son  grand  Pere  la,  en  quelque  maison  privee,  a  fin  qu'il  vesquist  le  reste  de  sa  vie  sans  dignite  Royalle,  mais  voici  Daniel  qui  recite  a  la  verite,  ce  qui  en  est.  Et  c'est  un  tesmoing  beaucoup  plus  fidele,  que  ceux  qui  en  ont  escrit,  qui  n'en  pouvoient  pas  avoir  telle  certitude  que  luy,  mais  encores  ceux  qui  ont  este  plus  prochains  des  temps,  et  qui  ont  escrit  plus  fidelement  entre  les  paiens,  disent  qu'il  en  va  tout  autrement,  c'est  a  scavoir  qu'Astiages  avoit  un  fils  qu'il  nomme  Ciaxares,  et  donna  sa  fille  en  mariage  a  son  neveu  (de  par  son  Pere)  car  Cyrus  estoit  fils  d'un  nomme  Camesis.  Ils  disent  donc  que  Ciaxares  voiant  la  vertu  de  son  neveu,  luy  donna  sa  fille  en  mariage,  et  n'aiant  point  d'hoir  masle,  il  l'ordonna  quant  et  quant  superieur  de  son  Royaume.  Or  Cyrus  (comme  il  estoit  homme  expert)  fut  appele  de  son  Pere  Ciaxares,  qui  est  ici  appele  Darius,  pour  venir  assieger  la  ville  de  Babilonne  et  luy  en  laisse  toute  la  charge,  car  il  voit  que  son  neveu  et  son  gendre,  est  homme  plus  propre  a  la  guerre  qu'il  n'est  pas.  Il  est  appele  donc  pour  faire  cet  exploit  tant  seulement,  non  pas  qu'il  dominast  luy  seul  tant  seulement,  comme  ceux  la  Tont  estime,  et  de  fait,  ils  errent  en  cela,  car  Cyrus  n'ha  iamais  usurpe  l'autorite  Royalle,  durant  la  vie  de  son  beau  Pere,  mais  il  ha  este  en  cette  monarchie  de  Chaldee  seulement  comme  gouverneur  soubs  son  oncle:  En  la  fin  il  va  en  Scythie,  pour  faire  guerre,  en  laquelle  il  meurt,  car  combien  que  ce  fust  un  prince  excellent  en  beaucoup  de  vertus,  si  est-ce  que  pour  son  ambition  il  faut  que  Dieu  le  punisse,  et  combien  que  Dieu  luy  attribue  ce  titre  tant  honorable,  de  l'appeler  son  serviteur,  toutesfois  a  cause  de  cette  ambition  qui  estoit  en  luy,  il  faut  qu'il  donne  exemple  aux  autres,  et  de  cela,  il  en  sera  traicte  en  son  ordre.  Ainsi  donc  quand  a  l'histoire  presente  que  recite  Daniel,  elle  s'accorde  avec  les  historiens  prophanes,  lesquels  sont  de  plus  grand'  autorite.  Ceux  qui  ont  recueilli  des  fables  mensongieres,  n'ont  iamais  entendu  la  vraie  succession  des  Rois  de  Mede,  car  il  leur  semble  que  le  Royaume  finit  en  Ciaxares,  aiant  vaincu  son  grand  Pere.  Et  mesmes  ceux  qui  ont  conneu  les  choses,  et  qui  pouvoient  scavoir  mesmes  les  actes  domestiques  de  ces  Roys,  ceux  la  declarent  comme  Cyrus  ha  este  suspect  quelquefois  a  son  beau  Pere,  de  vouloir  dominer  par  dessus  luy,  d'autant  qu'il  le  connoissoit  estre  un  homme  ancien,  mais  cela  venoit  par  faux