9:367  367  EXPOSITIO  IMPIETATIS  368  Atqui  persona  patris  non  convenit  filio,  nec  in  eum  transferri  potest.l)  Ergo  nulla  in  eo  est  deitatis  essentia,  sed  tantum  creata  divinitas,  quae  ab  hoc  nebulone  vocatur  essentiatio:  ac  si  per  apotheosin  Christus  in  hunc  honoris  gradum  receptus  foret.  Et  sane,  quum  Deus  generaliter  essentiam  inspiret  omnibus  creaturis,  longe  excellentius  est  deificari  quam  essentiari.  Praeclare  vero  et  liberaliter  agit  Valentinus  cum  Christo,  dum  privilegio  eum  dignatur,  ut  suum  Esse  dono  acceperit.  Nec  vero  privatam  causam  agimus,  ac  si  nos  seorsum  aggressus  esset,  quando  totam  vetustatem  nobiscum  simul  oppugnat.  Anni  iam  elapsi  sunt  mille  et  trecenti  ex  quo  in  synodo  Nicaena  damnatus  fuit  Arius.  Huius  synodi  autoritatem  verbo  se  amplecti  simulans,  Athanasium,  qui  praefuit,  quibuscunque  potest  conviciis  spurcissime  flagellat.  Sophisticam  vocat  eius  fidem,  quae  quartum  quendam  novum  deum  inducat  :  falsitatis  passim  [pag.  8]  eum  damnare  non  dubitat:  Sabellio  coniungit:  exprobrat  ei  tripersonatum  Deum  :  infamat  tanquam  praestigiatorem:  subinde  eum  stultitiae  et  incogitantiae  insimulat:  invehitur  in  eius  ineptias:  denique  onerat  crimine  atrocissimo  sacrilegii,  quod  solvat  Christum.  Tanta  vero  arrogantia  et  fastu  crepat  suos  latratus,  ut  dicas  e  coelo  tonare.  Scio  equidem  non  esse  ipsum  autorem,  sed  unum  aliquem  ex  Epicureorum  caterva  repertum  esse,  qui  ad  maledicendum  esset  aliquantum  disertus.  Nisi  forte  credibile  est  eum,  qui  nomen  Christi  scribere  non  potest,  graecas  voculas  aspergere  ad  fucandum  sermonem.  Sed  quoniam  multi  hodie  ex  turbis  ac  dissidiis,  veraeque  doctrinae  labefactatione  delicias  sibi  faciunt,2)  nihil  mirum  si  Lugduni  garrulus  quispiam  ex  antro  virulentiam  suam  evomuerit.  Quin  etiam  exortus  est  poeta,  qui  Valentini  theologiam  suis  carminibus  ornaret.  Inter  alia  non  dubitat  praeclarum  illud  axioma  [pag.  9]  obtrudere:  Numero  Deus  impare  gaudet.  Quid  vero,  si  tibi  vicissim  obiiciam  nugator:  Ter  tria  multiplica,  quam  multos  deos  scaturire  necesse  erit?  Nec  me  latet  vos  deorum  myriadas  audacter  fateri.  Sed  quosnam  putas  tuo  tinnitu  sic  fascinatum  iri,  ut  portentis  tuis  capiantur,  nisi  tui  forte  similes?  Atque  ut  nulla  illis  religio  est  licentiose  mentiri,  inscribitur  Valentini  confessio  ad  Praefectum  Gaiensem,3)  coram  quo  serviliter  abiuravit  quidquid  tradiderat:  nec  aliter  elapsus  est,  quam  aperta  omnium,  quae  nunc  tam  superbe  obtrudit,  abnegatione.  Porro  ne  quis  scrupulus  haereat,  petulantissimi  canis  petulantiam  paucis  detegam.  Arium  et  Sabellium  plenis  buccis  damnans,  ab  ecclesia  pridem  1)  et  ne  peut  le  Filz  devenir  la  personne  du  Pere.  2)  se  frottent  les  babines.  3)  ils  Pont  intitule  la  Confession  de  Valentin  au  Bailly  de  Gets.