55:367  367  EPIST.  IOHANNIS  368  Porro  hoc  est  testimonium  Dei,  quod  testificatus  est  de  filio  suo.  IO.  Qui  credit  in  filium  Dei,  habet  testimonium  in  se  ipso,  qui  non  credit  Deoy  mendacem  fecit  eum:  quia  non  credidit  in  testimonium  quod  testificatus  est  Deus  de  filio  suo.  ll.  Et  hoc  est  testimonium,  quod  vitam  aeternam  dedit  nobis  Deus:  et  haec  vita  in  filio  eius  est.  12.  Qui  habet  filium,  habet  vitam:  qui  non  habet  filium  Deiy  vitam  non  habet.  Hoc  est  testimonium.  Particula  8xt,  causam  hic  non  notat,  sed  tantum  exegetice  capitur��  Postquam  enim  admonuit  apostolus,  Deum  multo  plus  fidei  mereri  quam  homines:  nunc  subiicit,  nullam  haberi  posse  fidem  Deo,  nisi  credendo  in  Christum:  quia  Deus  hunc  solum  nobis  proponit,  et  in  eo  nos  sistit.  Hinc  colligit,  nos  tuto  et  tranquillis  animis  in  Christum  credere,  quomam  autoritate  sua  Deus  fidem  nostram  asserat.  Nec  dicit  Deum  extra  loqui,  sed  unumquemque  piorum  intus  in  se  ipso  eum  sentire  fidei  suae  autorem.  Unde  apparet  quantum  a  fide  differat  fluxa  opinio,  quae  aliunde  pendet.  10.  Qui  non  credit  Sicut  hoc  boni  habent  fideles,  quod  se  extra  errandi  periculum  esse  norunt,  quia  in  Deo  sunt  fundati:  ita  impios  extremae  blasphemiae  reos  facit,  quia  Deum  mendacii  arguant.  Certe  nihil  Deo  pretiosius  est  quam  sua  veritas:  quare  nulla  illi  atrocior  iniuria  fieri  potest,  quam  dum  hoc  honore  spoliatur.  Ergo  ut  nos  ad  credendum  incitet,  argumentum  a  contrario  sumit.  Nam  si  Deum  facere  mendacem,  horribilis  est  et  exsecranda  impietas:  quia  tunc,  quod  illi  maxime  proprium  est,  eripitur:  quis  non  horreat  fidem  evangelio  derogare,  in  quo  Deus  unice  verax  et  fidelis  vult  haberi?  Hoc  diligenter  notandum  est.  Mirantur  aliqui  cur  tantopere  Deus  fidem  commendet,  cur  tam  severe  damnetur  incredulitas:  atqui  hic  vertitur  summa  Dei  gloria.  Nam  quum  praecipuum  veritatis  suae  specimen  in  evangelio  edere  voluerit,  nihil  illi  faciunt  reliquum  quicunque  oblatum  illic  Christum  respuunt.  Quare  ut  quempiam  in  reliquis  vitae  partibus  demus  angelo  esse  parem  :  diabolica  tamen  est  eius  sanctitas,  quamdiu  Christum  reiicit.  Sicuti  quosdam  in  papatu  videmus  nescio  qua  sanctimoniae  larva  multum  sibi  placere:  quum  tamen  obstinatissime  evangelio  resistant.  Ergo  teneamus  hoc  pietatis  initium  esse,  doctrinam  illam  obedienter  amplecti,  quam  adeo  sancte  pro  testimonio  asseruit.  11.  Quod  vitam  aeternam  dedit  Nunc  proposito  fructu,  ad  credendum  nos  invitat.  Haec  quidem  Deo  reverentia  debetur,  ut  quidquid  nobis  affirmat,  protinus  sit  extra  controversiam.  Sed  ubi  gratuito  vitam  nobis  offert,  ingratitudo  minime  ferenda  est,  nisi  prompta  fide  tam  amabilem  suavemque  doctrinam  excipimus.  Et  certe  in  hunc  finem  tendunt  apostoli  verba,  non  modo  reverenter  obediendum