54:367  367  SERMON  XXX  368  pourquoy  il  nous  faut  revenir  a  ce  que  nous  avons  desia  touche:  c'est  que  quand  nous  verrons  des  povres  gens  estre  vaincus  de  leur  foiblesse,  qui  flechissent  contre  l'Evangile,  qui  ne  rendent  point  tesmoignage  pour  faire  confession  de  leur  foy  comme  il  seroit  requis,  que  nous  en  verrons  d'autres  qui  faillent  ou  en  ceci,  ou  en  cela,  estans  surprins  de  Satan,  encores  qu'ils  commettent  des  crimes  enormes,  que  nous  ne  laissions  point  d'en  avoir  pitie,  que  nous  procurions  entant  qu'en  nous  sera  de  les  ramener  au  bon  chemin,  que  nous  prions  Dieu  qu'il  leur  tende  la  main,  qu'il  les  reduise  par  la  grace  de  son  sainct  Esprit.  Mais  quand  nous  en  verrons  qui  despitent  ainsi  Dieu  manifestement,  qui  s'elevent  contre  sa  Parole,  qui  veulent  destruire  la  religion  entant  qu'en  eux  est,  voila  une  marque  que  Dieu  nous  donne  qu'il  les  a  reprouvez:  et  pourtant  qu'il  ne  veut  plus  que  nous  ayons  rien  de  commun  avec  eux.  Et  pourquoy?  Ce  n'est  point  sans  cause  que  sainct  Paul  nous  declare  que  ceux  qui  resistent  ainsi,  voire  a  leur  escient,  et  d'une  malice  deliberee  contre  la  verite  de  Dieu  qu'ils  ont  cognue,  et  d'aneantir  le  service  de  Dieu,  d'esteindre  la  clarte  de  sa  Parole,  que  ceuxla  doyvent  estre  du  tout  condamnez  sans  aucune  misericorde,  qu'il  n'est  plus  question  ici  de  garder  charite.  Car  Dieu  nous  separe  d'avec  telles  gens,  et  ne  veut  plus  que  nous  les  estimions  hommes,  mais  que  nous  les  tenions  desia  du  rang  du  diable.  Et  puis  que  Dieu  en  a  ainsi  prononce,  aussi  faut-il  que  nous  le  prions  que  ceux  qui  sont  ainsi  incorrigibles  soyent  abysmez,  qu'il  les  destruise,  pour  monstrer  combien  sa  verite  luy  est  precieuse,  et  en  quelle  recommandation  il  a  le  regne  qu'il  a  establi  en  la  personne  de  son  Fils.  Apprenons  donc  d'avoir  compassion  et  pitie  de  tous  povres  pecheurs,  et  mesmes  de  ceux  qui  ne  rendent  point  tesmoignage  a  la  verite,  de  ceux  qui  calent  la  voile  quand  il  est  question  de  maintenir  une  bonne  querelle:  qui  sont  surprins  de  crainte,  qui  font  des  morts:  encores  que  nous  ne  voyons  pas  la  une  vertu  telle  qu'il  seroit  a  desirer,  que  toutesfois  nous  en  ayons  pitie  a  l'exemple  de  S.  Paul,  lequel  pouvoit  estre  aucunement  indigne  quand  il  est  delaisse  si  vileinement.  Et  par  qui?  Par  ses  freres,  par  ceux  qui  faisoyent  semblant  d'avoir  une  cause  commune  avec  luy,  comme  elle  estoit  aussi  a  la  verite:  et  ceux-la  se  retirent  tellement  qu'il  est  destitue  de  tout  secours.  Combien  donc  qu'ils  ayent  use  d'une  telle  laschete  envers  luy,  si  est-ce  qu'il  leur  pardonne,  et  prie  Dieu  pour  eux.  Voila  comme  il  nous  faut  faire.  Et  de  faict,  si  chacun  de  nous  se  cognoissoit  bien,  nous  ne  serions  point  si  hardis  d'asseoir  iugement  sur  nos  prochains,  nous  serions  plus  modestes  pour  supporter  les  uns  les  autres  en  toutes  les  fautes  qui  se  commettent.  Grarde  bien  que  tu  ne  sois