49:367  367  EPIST.  PAULI  AD  CORINTHIOS  I  368  ille  in  medium  quisquis  est,  qui  eminere  cupit  et  sua  ambitione  turbat  ecclesiam:  ego  ex  eo  quaeram,  quis  eum  aliis  praeferat,  hoc  est,  quis  hoc  illi  iuris  contulerit,  ut  aliorum  ordine  eximatur,  et  sit  aliis  superior.  Pendet  autem  haec  tota  ratio  ab  ordine,  quem  Dominus  in  ecclesia  sua  instituit:  ut  membra  corporis  Christi  inter  se  cohaereant,  suo  unumquodque  loco,  suo  ordine,  suo  officio,  suo  honore  contentum.  Si  membrum  unum  migrare  de  suo  loco  velit,  ut  in  alterius  locum  transsiliat,  et  officium  invadat:  quid  fiet  corpori  universo?  Sciamus  ergo  nos  in  ecclesia  sic  collocatos  esse  a  Domino,  et  suam  cuique  stationem  sic  attributam,  ut  mutuo  nos  iuvemus  sub  uno  capite:  sciamus  etiam  ita  variis  gratiis  nos  esse  donatos,  ut  cum  modestia  et  humilitate  serviamus  Domino  et  eius  gloriae  studeamus,  qui  nobis,  quidquid  habemus,  contulit.  Hoc  igitur  optimum  remedium  fuit  corrigendae  eorum  ambitionis  qui  excellere  volebant,  eos  ad  Deum  revocare:  ut  agnoscerent  non  unumquemque  suo  arbitrio  creari  magnum  vel  humilem,  sed  hoc  unius  esse  Dei.  Porro  Deum  nemini  tantum  deferre  ut  in  locum  capitis  evehatur:  sed  dona  sua  sic  distribuere,  ut  glorificetur  ipse  solus  in  omnibus.  Discernere  hic  pro  eximium  reddere  accipitur.  Caeterum  non  inscite  Augustinus  hoc  testimonio  saepe  contendit  adversus  Pelagianos;  quidquid  excellentiae  est  in  hominibus,  non  esse  naturaliter  ingenitum,  ut  adscribi  queat  vel  naturae  vel  generi:  non  acquiri  etiam  libero  arbitrio,  ut  Deum  obstringat:  sed  ex  mera  et  gratuita  eius  misericordia  manare.  Dubium  enim  non  est  quin  hic  Paulus  Dei  gratiam  hominum  merito  vel  dignitati  opponat.  Quid  autem  habes?  Confirmatio  est  superioris  sententiae  :  neque  enim  extollere  se  iure  potest,  qui  nihil  habet  quo  alios  antecellat.  Quid  enim  vanius  quam  gloriari  absque  materia?  Atqui  nemo  hominum  quidquam  excellentiae  a  se  ipso  habet:  stultus  ergo  et  ineptus  est  qui  se  extollit.  Hoc  verum  est  fundamentum  christianae  modestiae,  non  placere  nobis,  quia  sciamus  nos  bonorum  omnium  inanes  esse  ac  vacuos:  si  quid  boni  Deus  apud  nos  deposuerit,  eo  nos  esse  illius  gratiae  magis  obnoxios.  Denique  in  nullo  gloriandum  (sicuti  ait  Cyprianus),  quia  nihil  nostrum  sit.  Quid  gloriaris,  tanquam  non  acceperis  ?  Observa,  nihil  reliquum  fieri  gloriae  nostrae,  ubi  gratia  Dei  sumus  id  quod  sumus.  Atque  id  est  quod  habuimus  capite  primo,  Christum  nobis  bonorum  omnium  esse  fontem,  ut  discamus  in  Domino  gloriari:  quod  tum  demum  facimus  ubi  renuntiamus  propriae  gloriae.  Neque  enim  Deus  ius  suum  obtinet,  nisi  nobis  exinanitis:  ut  appareat  quidquid  est  in  nobis  laude  dignum,  adventitium  esse.  8.  Iam  saturati  estis.  Postquam  serio  et  absque  figuris  vanam  eorum  confidentiam  repressit,  nunc  ironicwc  quoque  eam  deridet:  quia  perinde