41:367  367  SERMON  V.  368  SERMON  Y  sur  le  Chap.  TI.  v.  1.U.  Nous  vismes  hier  l'exposition  que  Daniel  donna  de  cette  escriture,  que  Dieu  avoit  envoiee  pour  le  Roy  Balsazar,  c'est  a  scavoir,  que  son  temps  estoit  nombre,  et  son  terme  escheu,  que  son  Royaume  devoit  defaillir,  qu'il  avoit  este  mis  en  balance  et  pese,  et  s'estoit  trouve  court,  que  son  Royaume  devoit  estre  parti  et  mis  en  despouille.  Voila  donc  la  sentence  de  Dieu  en  laquelle  nous  voions  ce  qui  ha  desia  este  declare  ci  dessus,  c'est  a  scavoir  que  les  Royaumes  sont  en  sa  main,  et  qu'il  les  change  comme  il  luy  plaist.  Or  le  changement  adviendra,  ou  pour  l'orgueil  des  Princes  qui  abusent  de  leur  autorite,  et  qui  se  desbordent  en  tous  exces,  ou  bien  pour  les  peches  du  peuple,  mais  il  nous  faut  noter  ce  que  Daniel  adiouste,  c'est  a  scavoir,  que  Dieu  pese  en  la  balance  les  hommes,  qu'il  nombre  et  conduit  tout  leur  temps.  Or  par  cela  il  nous  est  signifie,  que  Dieu  ne  fait  point  tels  changemens,  sans  iuste  raison,  comme  nous  venons  de  toucher,  il  ha  donc  la  balance,  c'est  a  dire,  il  ha  poids  et  mesure  en  tout  ce  qu'il  fait.  Xl  est  vrai  que  les  hommes  ne  connoissent  pas  cela,  car  les  secrets  de  Dieu  nous  sont  incomprehensibles,  mais  si  faut-il  que  nous  soions  tous  resolus,  qu'il  ne  nous  envoie  nulle  affliction,  que  cela  ne  soit  bien  pese,  qu'il  ne  fait  rien  qui  ne  soit  iuste,  et  bien  compasse:  car  il  ha  une  balance,  qui  n'est  point  faulse.  Au  contraire,  les  iugemens  humains  sont  par  trop  pervers,  pour  iuger  des  oeuvres  de  Dieu.  Il  ne  faut  donc  point  que  selon  nostre  sens  et  nostre  fantasie,  nous  iugions  de  ce  que  Dieu  fait,  mais  en  toute  humilite  remettons-nous  a  luy,  et  ne  presumons  pas  d'enquerir  la  raison  de  ce  qu'il  fait  en  son  iugement:  contentons-nous  qu'il  fait  tout  iustement,  comme  une  fois  il  ha  declare,  car  les  livres  sont  encores  fermes,  lesquels  seront  ouverts  au  dernier  iour.  Or  maintenant  venons  a  l'histoire  qui  est  ici  recitee,  c'est  a  scavoir,  que  Darius  de  Mede  fut  Roy  de  Chaldee,  et  usurpa  cette  grande  monarchie  dont  nous  avons  parle  ci  devant.  Or  il  est  vrai  que  Cyrus  estoit  bien  alors  avec  Darius,  et  mesmes  les  historiens  prophanes  ne  s'accordent  point  en  ceci,  car  il  y  en  ha  qui  escrivent  qu'il  n'y  avoit  que  Cyrus,  qui  dominast  pour  lors  en  Perse  et  en  Mede.  Il  y  avoit  eu  son  grand  Pere  le  Roy  Astiages,  qui  avoit  commande  qu'on  le  tuast,  combien  que  desia  auparavant  il  luy  sembloit  qu'il  l'avoit  bien  proveu,  a  ce  qu'il  ne  peust  point  estre  empesche  en  son  Royaume,  et  cela  ne  venoit  que  d'envie,  d'autant  qu'il  craignoit  en  estre  dechasse.  Il  avoit  (pour  cela)  marie  sa  fille  a  un  homme  de  basse  condition,  au  lieu  qu'il  la  pouvoit  marier  a  quelque