32:367  367  PSALMUS  CXXXVII.  368  quia  quoties  suos  liberat  Deus,  sequitur  eorum  peccatis  ignoscere.  Tandem  paternam  Dei  providentiam  extendit  promiscue  non  modo  ad  totum  humanum  genus,  sed  ad  cuncta  animantia,  ut  mirum  non  sit,  tam  providum  ac  beneficum  esse  patrem  erga  electos  suos,  qui  ne  bobus  quidem  et  asinis,  corvis,  et  passeribus  consulere  gravatur.  Quum  ergo  brutis  animalibus  longe  praecellant  homines,  et  ipsi  longe  inter  se  differant,  non  propria  dignitate,  sed  adoptione  Dei,  ratiocinatur  a  minori  ad  maius  propheta,  non  posse  satis  extolli  incomparabilem  Dei  erga  domesticos  suos  gratiam.  PSALMUS  CXXXVII.  ARG.  Quum  in  exsilio  babylonico  cessaret  legitimus  Dei  cultus,  propheta  totius  ecclesiae  personam  suscipiens,  conqueritur  de  hostium  ludibriis  quae  in  sacrum  Dei  nomen  dirigebantur:  et  exsulibus  animosam  vocem  dictans,  ipsos  ad  spem  redemptionis  erigit.  1.  Super  flumina  Babylonis  illic  sedimus,  etiam  flevimus  dum  recordamur  tui  Sion.  2.  Super  salices  in  medio  eius  suspendimus  citharas  nostras.  3.  Tunc  quaesienmt  ex  nobis  qui  ceperant  nos  verba  cantici,  et  in  suspensionibus  nostris  laetitiam,  Canite  nobis  e  cantico  Sion.  4.  Quomodo  cantabimus  canticum  Iehovae  in  terra  aliena?  1.  {Super  flumina  Babylonis)  Diximus  alibi  nimis  crasse  falli  eos  qui  Davidem  putant  prophetico  spiritu  populum  de  futuro  exsiho  admonuisse:  quia  secus  prophetae  loqui  solent  de  rebus  futuris:  hic  autem  disseritur  de  re  nota  et  usu  comperta.  Consilium  vero  prophetae  quale  sit,  breviter  expediendum  est.  Tristis  enim  illa  abdicatio  facere  potuit  ut  fides  ac  religio  inter  Iudaeos  evanesceret.  Atque  ut  facilis  est  lapsus  ad  superstitiones  et  corruptelas,  dum  impiis  sumus  permisti,  periculum  fuit  ne  profanescerent  inter  Babylonios.  Adhaec  exilium,  duraque  servitus,  et  quae  illie  ferendae  erant  indignitates,  animos  deiicere  poterant  fidelibus.  Quisquis  ergo  fuerit  Psalmi  autor,  lamentationis  formam  dictat,  ut  gemendo  et  orando  spem  salutis  desperatae  foveant.  Quanquam  alter  quoque  finis  notandus  est,  hortatur  enim  eos  ne  in  terra  profana  pietatem  colere  desinant,  nec  se  polluant  gentium  inquinamentis.  Hac  ratione  filiis  Edom  vindictam  imprecatur  qualem  erant  meriti:  et  Babylonem,  cuius  caduca  felicitas  evanidum  reddebat  totum  orbem,  miseram  esse  exclamat,  suoque  exitio  propinquam.  Porro  quam  utile,  imo  necessarium  fuerit,  fulciri  pias  animas  ne  deficerent,  sola  temporis  diuturnitas  satis  docet.  Proclive  enim  erat,  assuescere