54:366  telle  prudence,  que  l'Esprit  de  Dieu  domine  par  dessus.  Et  puis  notons  bien  qu'il  nous  faut  avoir  pitie  de  tous  ceux  que  nous  ne  cognoissons  point  encores  estre  reprouvez:  cependant  qu'il  y  a  quelque  esperance  aux  hommes,  il  nous  faut  tousiours  demander  a  Dieu  qu'il  en  ait  pitie,  et  qu'il  desploye  sur  eux  sa  misericorde.  Or  est-il  ainsi  que  nous  devons  tousiours  bien  esperer,  iusques  a  tant  que  Dieu  declare  qu'il  a  retranche  ceux  qui  s'elevent  ainsi  contre  luy,  qu'il  les  a  retranchez,  di-ie,  de  son  Eglise,  comme  des  membres  pourris.  Et  il  n'y  a  nulle  doute  que  sainct  Paul  n'ait  eu  une  telle  certitude  quant  a  ce  forgeron  dont  il  parle.  Car  il  ne  s'est  point  precipite  a  la  volee  pour  assigner  une  sentence  devant  le  temps:  mais  il  a  cognu  que  cest  homme  estoit  du  tout  reprouve.  Que  donc  nous  ayons  tel  tesmoignage  devant  que  demander  a  Dieu  qu'il  confonde  les  iniques.  Or  ceci  est  rare,  c'est  a  dire  qu'il  ne  nous  en  faut  point  faire  une  regle  commune.  Apprenons  donc  de  nous  retenir,  et  de  n'estre  point  trop  bouillans  a  faire  telle  requeste,  que  Dieu  perde,  qu'il  dissipe  et  abysme  ceux  qui  nous  sont  contraires.  Car  nous  scavons  ce  que  nostre  Seigneur  Iesus  dit  a  ses  disciples,  Vous  ne  scavez  de  quel  esprit  vous  estes  menez.  Et  toutesfois  ils  alleguoyent  l'exemple  d'Elie:  car  ils  vouloyent  que  le  feu  descendist  du  ciel  pour  engloutir  les  ennemis  de  l'Evangile.  Voire,  mais  ils  n'estoyent  pas  menez  de  l'esprit  d'Elie,  il  y  a  de  l'exces  par  trop.  Ainsi  gardons-nous  de  cela.  Et  pourtant  (comme  i'ay  desia  dit)  scachons  qu'il  ne  nous  faut  point  tirer  en  regle  commune  ce  que  sainct  Paul  dit  d'une  personne:  mais  sondons  les  choses,  advisons  bien  si  ceux  qui  blasphement  contre  la  verite,  y  vont  d'une  certaine  malice,  s'ils  sont  apostats  qui  ayent  tellement  abandonne  Iesus  Christ,  qu'ils  luy  vueillent  faire  la  guerre  pour  abolir  son  regne  et  sa  maieste,  pour  exterminer  de  ce  monde  la  memoire  de  son  nom.  Quand  nous  voyons  des  gens  estre  ainsi  alienez  de  toute  religion,  voila  le  diable  qui  les  possede,  et  Dieu  alors  les  punit,  en  sorte  qu'il  nous  monstre  qu'ils  sont  du  tout  reprouvez,  et  qu'il  n'y  a  plus  d'esperance  de  salut  en  eux.  Or  combion  qu'il  ne  nous  faille  point  faire  une  regle  commune  de  cela,  toutesfois  si  est-ce  que  Dieu  en  donnera  bien  quelques  signes  et  quelques  marques:  autrement  ce  qui  est  ici  escrit  d'Alexandre  forgeron,  et  ce  qui  est  dit  en  sainct  Iean,  seroit  superflu,  ascavoir  qu'il  y  a  un  pecho  qui  est  a  mort.  Si  donc  nous  n'avions  quelquefois  cognoissance  que  Dieu  a  reprouve  des  hommes,  et  qu'il  leur  a  ferme  la  porte  de  salut,  qu'il  les  monstre  du  tout  incorrigibles,  et  desia  possedez  de  Satan,  a  quel  propos  sainct  Iean  diroit-il  qu'il  y  a  un  peche  a  mort,  lequel  ne  peut  estre  pardonne?  Et  voila