49:366  loquor.  Secundo  membro  explicat  quae  sit  obscuritatis  et  confusionis  causa,  ne  omnia  nunc  palam  sint:  quia  scilicet  miri  sunt  recessus  et  profundissimae  latebrae  in  cordibus  hominum.  Ergo  donec  revelentur  cogitationes  cordium,  semper  erunt  tenebrae.  Et  tunc  laus  erit.  Quasi  diceret:  Vos  nunc,  o  Corinthii,  tanquam  agonothetae,  coronatis  alios,  alios  cum  ignominia  dimittitis:  hoc  autem  ius  et  officium  Christi  est.  Id  facitis  ante  tempus,  antequam  liqueat  quisnam  sit  dignus  corona:  Dominus  vero  diem  praestituit  quo  id  demonstret.  Haec  vox  ex  bonae  conscientiae  fiducia  nascitur:  quae  etiam  hoc  boni  affert,  ut  laudem  nostram  in  manu  Dei  reponentes  nihili  faciamus  inanem  humani  favoris  auram.  6.  Haec  autem,  fratres,  transfiguravi  in  me  ipsum  et  Apollo,  propter  vos:  ut  in  nobis  discer  etis,  ne  quis  supra  id,  quod  scriptum  est,  de  se  sentiat:  ut  ne  quis  pro  hoc  vel  illo  infletur  adversus  alterum.  7.  Quis  enim  te  discernit  P  quid  autem  habes  quod  non  acceperis?  si  vero  etiam  acceperis,  quid  gloriaris,  tanquam  non  acceperis?  8.  Iam  saturati  estis,  iam  ditati  estis\  absque  nobis  regnum  adepti  estis:  atque  utinam  sitis  adepti,  ut  et  nos  vobiscum  regnemus.  6.  Transfiguravi.  Hinc  colligere  licet,  non  Pauli  studiosos  fuisse  factionum  autores,  ut  certe  non  ita  erant  instituti:  sed  eos,  qui  vanis  doctoribus  se  per  ambitionem  addixerant.  Quia  autem  liberius  et  minore  invidia  suum  et  fratrum  suorum  nomen  proferre  in  medium  poterat,  maluit  in  se  ipso  ostendere  vitium  quod  erat  in  aliis:  simul  odiose  perstringit  sectarum  autores,  et  digito  fontes  monstrat^  ex  quibus  manabat  exitiale  divortium.  Admonet  enim,  si  contenti  sint  probis  doctoribus,  ab  hoc  malo  fore  immunes.  Ut  in  nobis.  Alii  codices  habent,  ut  in  vobis.  Utraque  lectio  bene  quadrat,  nec  fit  ulla  sensus  mutatio  :  hoc  enim  vult  Paulus  :  Ego  exempli  gratia  haec  in  me  et  Apollon  transtuli,  ut  ad  vos  exemplum  hoc  transferatis.  Discite  ergo  in  nobis,  hoc  est,  in  hoc  paradigmate,  quod  in  persona  nostra  tanquam  speculum  vobis  proposui  :  vel,  discite  in  vobis,  hoc  est,  exemplum  hoc  ad  vos  accommodate.  Quid  autem  eos  vult  discere?  ne  quis  adversus  alium  pro  suo  doctore  infletur:  hoc  est,  ne  doctorum  causa  superbiant,  eorumque  nominibus  abutantur  ad  exercendas  factiones  et  scindendam  ecclesiam  discordiis.  Et  observa,  tumorem  aut  elationem  causam  initiumque  esse  omnium  contentionum,  dum  quisque,  plus  aequo  sibi  arrogans,  alios  sibi  subiicere  appetit.  Particula  haec  supra  id  quod  scriptum  est  bifariam  potest  exponi:  vel  ut  ad  Pauli  scripta,  vel  ut  ad  scripturae  testimonia,  quae  adduxit,  referatur.  Sed  quia  parum  est  in  hac  re  momenti,  liberum  sit  lectoribus  eligere  utrum  volent.  7.  Quis  enim  ie  discernit?  Sensus  est,  prodeat  26*