41:366  qu'il  nous  donne  la  force  de  surmonter  toute  crainte  des  hommes,  et  sur  tout  que  ceux  qui  ont  la  charge  d'annoncer  sa  parole,  qu'ils  se  recommandent  a  celuy  qui  leur  peut  donner  hardiesse,  sachans  que  iamais  ils  ne  se  pourront  acquiter  deuement  de  leur  office  sans  cela,  mais  encores  combien  que  chacun  ne  soit  pas  appele  a  l'estat  de  Ministre  de  la  parole,  si  est-ce  qu'il  nous  faut  connoistre  que  nous  sommes  tous  tenus  de  faire  confession  de  nostre  foy,  quand  nous  en  serons  requis.  Quand  donc  nous  Grrons  les  menaces  des  tirans,  et  que  d'autre  coste  nous  verrons  nostre  fragilite,  prions  Dieu  qu'il  luy  plaise  subvenir  a  nostre  foiblesse,  nous  munir  et  armer  tellement  de  sa  vertu,  que  nous  surmontions  toutes  ces  difficultes  que  le  diable  nous  proposera,  que  nous  tenions  nostre  chemin  droit,  combien  qu'il  tasche  de  tout  son  pouvoir  de  nous  en  destourner.  Et  nous  voions  comme  de  tout  temps  Dieu  ha  besongne  envers  les  siens,  il  est  vrai  qu'il  semble  bien  selon  le  monde,  qu'ils  soient  abandonnes,  voire,  et  qu'ils  soient  vaincus,  mais  tant  y  ha  que  nous  voions  et  avons  veu  de  nostre  temps  des  martirs  de  Dieu,  qui  ont  surmonte  les  tormens  des  meschans,  voire,  des  tormens  bien  cruels,  car  s'il  est  question  de  cruaute,  elle  se  trouvera  au  tonnent  du  feu,  et  toutesfois  si  ha  on  veu  une  constance  admirable,  que  combien  que  les  feux  aient  este  allumos,  neantmoins  ils  n'ont  point  laisse  pour  cela,  de  persister  en  la  confession  de  foy,  laquelle  ils  avoient  rendue  auparavant,  et  quant  nous  voions  cela,  que  ne  connoissons  nous,  que  Dieu  y  besongne,  et  en  le  connoissant,  que  n'avons-nous  nostre  refuge  a  luy,  pour  le  prier  qu'il  en  face  autant  en  nous?  Et  nous  en  voions  l'exemple  en  Daniel,  et  ne  faut  point  que  nous  tenions  ceci  comme  de  sa  personne,  mais  c'est  Dieu  qui  nous  monstre  en  luy,  comme  il  besongne  par  le  sainct  esprit:  voila  donc  quant  a  la  constance  qui  ha  este  en  Daniel.  Or  touchant  du  contenu  de  l'escriture,  il  faut  que  nous  connoissions  en  somme,  que  Dieu  ha  voulu  monstrer,  que  les  royaumes  sont  en  sa  main:  et  c'est  ce  que  desia  i'ay  allegue  par  ci  devant,  que  ies  Roys  seront  maintenus  en  leurs  Royaumes,  tant  qu'il  luy  plaira.  Au  contraire,  quand  il  voudra  faire  quelque  changement,  nous  verrons  une  bien  grande  principaute  bien  tost  abatue.  Si  donc  ces  changemens  aviennent  aux  Roys,  et  aux  grands  de  ce  monde,  que  sera-ce  que  de  nous?  Ainsi  donc,  cheminons  en  humilite,  a  fin  que  Dieu  nous  gouverne,  et  qu'il  nous  conduise  par  sa  main,  comme  il  promet  d'assister  aux  humbles:  que  quand  il  nous  aura  aide  auiourd'huy,  qu'il  continue  tousiours  de  bien  en  mieux,  iusques  a  ce  qu'il  nous  ait  amenes  a  une  pleine  et  entiere  perfection.  Suivant  cette  saincte  doctrine,  nous-nous  prosternerons  devant  la  face  de  nostre  bon  Dieu,  etc.