32:366  astutia,  huc  fuisse  inductos  ad  labefactandam  scripturae  fidem.  Palam  et  clare  asserit  Moses  utrimque  stetisse  aquarum  moles,  unde  colligimus  continuum  fuisse  spatium.  Sed  quia  turmatim  populus  transibat,  non  autem  unus  post  alium,  propter  viae  amplitudinem,  in  qua  libere  progressi  sunt  viri  et  mulieres  cum  suis  familiis  et  iumentis:  scite  propheta  divisiones  nominat,  respectu  hominum,  quia  haec  circumstantia  Dei  gratiam  non  parum  auxit,  videre  late  siccatos  gurgites,  ut  populo  turmatim  simul  progredienti  planum  esset  iter.  Hoc  quoque  ad  gratiae  confirmationem  valet,  quod  paulo  post  submersus  fuit  Pharao:  quia  diversitas  ostendit  non  accidisse  arcano  aliquo  naturae  motu,  quod  alii  perierint,  alii  traiecerint  salvi  et  incolumes.  In  hoc  igitur  discrimine  conspicua  fuit  Dei  misericordia  ad  populum  servandum.  Quod  uno  verbo  attingit,  Deum  fuisse  ducem  populi  sui  in  deserto,  longe  patet,  multis  enim  et  variis  miraculis  opus  fuit,  ut  in  loco  arido  omnibusque  vitae  subsidiis  carente  annos  quadraginta  transigeret.  Itaque  in  hunc  locum  decet  conferre  quaecunque  Moses  recenset  bonitatis  et  potentiae  Dei  testimonia:  quod  cibo  coelesti  aluerit  famelicum  populum,  aquam  ex  rupe  profluere  iusserit,  protexerit  sub  nube  ab  aestu  solis,  signum  dederit  suae  praesentiae  in  columna  ignis,  vestes  servaverit  integras,  vagos  exsules  cum  parvulis  tutatus  sit  sub  foliorum  tuguriis,  et  alia  quae  lectoribus  innumera  occurrent.  17.  Qui  percussit  reges  magnos  j  quia  in  saeculum  clementia  eius.  18.  Et  occidit  reges  insignes,  quia  in  saeculum  clementia  eius.  19.  Sihon  regem  Amorrhaeorum,  quia  in  saeculum  clementia  eius.  20.  Et  Og  regem  Basan,  quia  in  saeculum  clementia  eius.  21.  Et  dedit  terram  eorum  haereditatem,  quia  in  saeculum  clementia  eius.  22.  Haereditatem  Israeli  servo  suo,  quia  in  saeculum  clementia  eius.  23.  In  humiliatione  nostra  memor  fuit  nostri,  quia  in  saeculum  clementia  eius.  24.  Et  eripuit  nos  ab  oppressoribus  nostris,  quia  in  saeculum  clementia  eius.  25.  Qui  dat  escam  omni  carni,  quia  in  saeculum  clementia  eius.  26.  Confitemini  Deo  coelorum,  quia  in  saeculum  clementia  eius.  23.  (In  humiliatione  nostra  memor  fuit  nostri.)  Sex  versus,  qui  ex  proximo  Psalmo  sumpti  sunt,  non  attingo.  Alios  etiam  quia  longa  explicatione  non  indigent,  succincte  percurram.  Tantum  docet  propheta,  quia  Deus  continua  serie  auxiliari  populo  suo  non  destitit,  nullam  aetatem  eiusdem  bonitatis,  quae  patribus  exhibita  fuerat,  fuisse  expertem.  Atque  hoc  notabilius  fuit  documentum  gratiae,  succurrere  calamitatibus  populi  fere  perditi,  quam  aequabili  tenore  integrum  fovere:  quia  ipsa  necessitas  oculos  nobis  aperit,  et  sensus  excitat.  Deinde