25:366  nomen  indigne  profanatur,  nec  se  patitur  idolis  socium  adiungi:  deinde  quibuscunque  titulis  idola  sua  insigniant,  daemones  esse  pronunciat  omnes  fictitios  deos,  unde  sequitur  eorum  immolationes  sacrilegio  esse  infectas.  Atque  utrumque  diligenter  notandum  est,  Deum  scilicet  omnes  cultus  sui  corruptelas  abominari:  deinde  quaecunque  deorum  nomine  excogitat  mundus,  totidem  esse  larvas  quibus  diabolus  ad  simplices  fallendos  se  occultat.  Ad  haec  vecordiam  Israelitis  exprobrat  Moses,  quod  sibi  promiscue  asciverint  deos  incognitos,  perinde  ac  si  mulier  adultera  passim  se  prostitueret  quibuslibet.  Quod  dicit  e  propinquo  venisse,  ad  tempus  spectat,  et  tantundem  valet  atque  nuper  fuisse  exortos.  Tertio  additur,  deos  illos  a  patribus  esse  neglectos  :  nam  hinc  convincitur  perversum  novitatis  studium,  quod  ne  patrum  quidem  imitatione  adducti  fuerint:  sed  improba  curiositate  sibi  asciverint  novos  et  insolitos  deos:  non  quod  in  sola  vetustate  lex  pietatis  sit  fundata,  quasi  sufficeret  ritum  a  maioribus  traditum  sequi:  nam  hoc  modo  probanda  fuisset  quaelibet  gentium  religio:  sed  quoniam  genuina  et  fidelis  patrum  traditio  certa  probaque  fuisset  Dei  colendi  regula.  Sumitur  enim  altius  principium,  patres  vere  ac  minime  fallaciter  fuisse  edoctos  quisnam  esset  unicus  Deus,  in  quo  acquiescere  decebat.  Sed  hic  tenenda  est  inter  sanctos  patres  et  reprobos  distinctio:  nam  patrum  imitatio,  quae  hic  videtur  in  laude  duci,  alibi  severe  damnatur,  nempe  quoniam  absque  delectu  rapiebantur  Iudaei  ad  perversa  patrum  exempla.  Ergo  non  alios  hic  patres  commemorat  Moses  nisi  qui  per  manus  tradere  poterant  quod  didicerant  ex  ipso  Deo.  Timendi  verbum  saepe  per  synecdochen  complectitur  totum  Dei  cultum,  et  interdum  ad  externas  caeremonias  transfertur,  quanquam  hic  ponitur  verbum  ")]7tP,  quod  proprie  tantundem  valet  ac  formare  vel  pavere:  eodem  tamen  sensu.  18.  Dei  qui  genuit  te.  Rursus  crimen  amplificat  a  populi  ingratitudine,  quia  non  inscitia  prolapsus  sit,  sed  Dei  cognitionem,  quae  fulgere  debuerat  in  omnium  cordibus,  sponte  suffocaverit:  huc  enim  spectat  exprobratio,  quod  obliti  sint  rupis  suae.  Quasi  diceret,  non  aliter  impiis  superstitionibus  deditos  fuisse,  nisi  quia  Deum,  quem  satis  illustribus  documentis  experti  fuerant  principium  et  fulturam  salutis  suae,  voluntaria  oblivione  abiecerint.  EX  EODEM  CAPITE.  19.  Quum  autem  vidisset  Iehova,  exacerbatus  est  irritatione  filiorum  et  filiarum  suarum.  20.  Et  dixit,  Abscondam  faciem  meam  ab  eis  :  Videbo  quid  in  no-