9:365  365  PRAEFATIO.  Superbis  hominibus  perinde  est,  modo  dulci  novitatis  illecebra  curiosos  inescando  acumen,  quod  saepe  nullum  est,  fallaci  specie  ostentent:  itaque  quo  magis  prodigiosa  commenta  illis  in  mentem  venerint,  eo  cupidius  arripiant,  et  audacius  insultent,  quasi  ampliorem  laudis  materiam  nacti.  Porro  tanta  plerosque  titillat  vagarum  speculationum  cupido,  tantaque  levitas  circumagit,  ut  facile  sit  impostoribus,  quamvis  nec  ingenio,  nec  doctrina,  nec  dexteritate  polleant,  tales  sibi  discipulos  momento  acquirere.  Ita  Valentinus  G-entilis,  homo  nihili,  faecem  ex  deliriis  Serveti  haustam  propinans,  insipidis  palatis  persuasit  suavem  esse  potum.  Quam  absurdum  sit  quod  sibi  fabricavit  dogma,  sanis  hominibus  ex  brevi  relatu  perspicuum  fiet.  B1  alii  nos  dicit,  quod  in  una  Dei  essentia  tres  personas  statuimus.  Ita  enim  [pag.  4]  quaternitatem  fingi,  ac  si  personae  nomen  aliquid  ab  essentia  abstractum  1)  notaret.  Ipse  vero  nimis  crasse  hallucinatur,  dum  tres  in  Deo  proprietates  non  distinguit,  quae  in  ipsa  essentia  resideant,  non  autem  ab  ea  separentur.  Principium  illud  scripturae  tenemus,  unicum  esse  Deum.  Iam  dum  eadem  scriptura  in  medium  nobis  profert  patrem,  filium  et  spiritum  sanctum,  quid  aliud  restat,  quam  in  una  simplicique  deitate  tres  agnoscere  personas,  quae  tamen  non  efficiant  plures  deos,  nec  essentiae  unitatem  lacerent  aut  dissipent?  Ubi  autem  quaternitas  reperietur,  si  unus  Deus  tres  in  se  proprietates  contineat?  Nunc  quam  scite  nostram  sententiam  corrigat,  videre  operae  pretium  est.  Comminiscitur  essentiam  Dei  in  solo  patre  :  itaque  illum  praedicat  solum  esse  verum  Deum.  Filio  deinde  concedit  Dei  nomen,  sed  quasi  precarium:  quia  scilicet  essentiatus  sit  a  patre.  Ergo  personam  patris  non  aliud  esse  affirmat,  quam  essentiam.  Filii  vero  personam,  [pag.  5]  deificationem  esse  blaterat.  Ubi  ad  spiritum  sanctum  venitur,  omnia  permiscet:  quia  iam  antea  filium  1)  quelque  chose  hors  de  l'essence.