6:365  DE  LIBERO  ARBITRIO.  gat,  ut  in  vitae  aeternae  haereditatem  adoptetur?  Nunc  vero  in  reatum  mortis  aeternae  prolapsus,  numquid  habet,  quo  se  damnationi  eximat?  quo  satisfaciat  pro  offensa?  insuper  et  haeres,  et  filius  scribi  debeat?  Quid  viribus  suis  praestare  Deo  potest,  cui  debet  quidquid  est,  et  quidquid  potest?  Tam  valida  impressione  adeo  non  dubitat  profligatum  esse  Pelagium,  ut  nostrae,  pro  tuenda  Dei  gratia,  sollicitudini,  tanquam  ridiculae,  ferociter  insultet.  At  sublato  uno  verbulo,  ubi  hominem  sub  reatu  mortis  ob  culpam  constituit,  nego  Pelagium  ullo  modo  attingi.  Beneficia,  quae  in  hominum  naturam  contulit  Deus,  Pighius  splendidis  elogiis  commendat.  Multo  id  et  luculentius,  et  splendidius  [pag.  184]  factum  a  Pelagio  Augustinus  testatur.  Quin  etiam  de  gratia  quid  sentiret,  quum  in  palaestino  concilio,  tum  alibi  saepe  interrogatus,  non  absimili  genere  orationis  suam  impietatem  pingebat.  Quid  est  homo,  aut  quid  habet,  quod  non  a  Deo  acceperit?  Quantae  igitur  et  superbiae  et  insaniae  foret,  si  quid  sibi  proprium  arrogaret,  quasi  non  sibi  Deiv)  gratia  collatum?  En  quibus  Pelagium  machinis  diruat  atque  evertat  Pighius.  Nempe  dum  eius  confessioni  simpliciter  subscribit.  Sed  homini  adimit,  ne  sibi  Deum  obligare  possit  :  quod  Pelagius  asserebat.  Iterum  hoc  sibi  spectrum  sub  Pelagii  nomine  confingit.  Siquidem  quum  ille  non  nisi  a  promissionibus  aestimaret  hominum  merita,  satis  eo  innuebat,  non  aliter  sentire  se,  adstringi  Deum  ad  reddendam  hominum  operibus  mercedem:  nisi  quia  voluntaria  sponsione  se  fecisset  ultro  debitorem.  Denique  nihil  in  hominibus  collocabat,  aut  virtutis,  aut  iustitiae,  quod  non  Dei  gratiae  nominatim  disertisque  verbis  adscriberet.  Nec  aliter  mereri  docebat  homines,  nisi  quia  Deus  illorum  opera  non  necessitate  aliqua,  nec  ullo  obligationis  iure,  sed  pro  immensa  sua  benignitate,  eo  pretio  dignatus  esset.  Hoc  quum  totidem  prope  verbis  succinit  Pighius,  totam  Pelagii  haeresim  a  se  eversam  sibi  gratulatur.  Sed  ratione  invicta  suffultus  est,  cur  non  credat,  paratam  esse  Dei  gratiam,  nisi  iis,  qui  ad  eam  recipiendam  se  praeparaverint:  quoniam  debeat  certa  Deo  constare  ratio,  cur  uni  potius,  quam  alteri  eam  impertiatur.  Hoc  enim  sapientem  decet.  Ego  autem  cum  Augustino  respondeo,  absit  ut  iudicium  hoc  penes  lutum  sit,  et  non  figulum.  Constat  quidem  Deo  certa  solidaque  operum  suorum  ratio:  sed  magis  arcana,  sublimis,  recondita,  quam  ut  eam  capiat  tam  angustus  tenuisque  mentis  nostrae  modulus.  Hoc  nunc  solum  controvertitur,  quod  nos  sapientiam  Dei,  quam  in  hoc  delectu  incomprehensibilem  captui  nostro  Paulus  esse  docet  (Rom.  l  l  ,  33),  adoramus  cum  [pag.  185]  timore  et  tremore;  Pighius  1)  Vocem  Dei  sola  princeps  addit.  Abest  quoque  a  versione  gallica.  L  esa  scribit:  collocatum.