54:365  365  SUR  LA  SECONDE  A  TIMOTHEE.  366  mesme  vengeance  de  Dieu.  Il  y  en  a  qui  se  plaignent  qu'on  les  fuit:  et  combien  qu'ils  soyent  les  pires  ennemis  de  Dieu,  encores  voudront-ils  faire  a  croire  qu'on  leur  fait  grand  tort  et  iniure  si  on  les  marque  au  doigt,  et  qu'on  admoneste  les  simples  qu'ils  les  fuyent,  et  qu'on  leur  monstre  en  quel  abysme  ils  se  mettent  de  les  hanter.  La  dessus  ils  murmurent,  Et  comment?  Pourquoy  est-ce  qu'on  nous  blasme  ainsi?  Et  pourquoy  vous  diffamezvous?  Oar  celuy  qui  s'eleve  contre  son  Createur,  ne  porte-il  point  la  marque  de  Satan?  ne  faitil  point  la  guerre  ouverte  a  Dieu?  Voila  le  diable  qui  est  nostre  ennemi:  et  quand  nous  verrons  ses  supposts,  si  nous  sommes  leurs  alliez,  ne  complotons-nous  point  avec  eux  a  l'encontre  de  Dieu?  JN'est-ce  point  manifestement  le  despiter,  encores  que  nous  n'ayons  point  du  premier  coup  une  telle  malice  que  de  vouloir  nous  armer  contre  l'Evangile?  Tant  y  a  que  nous  tenions  Dieu  quand  nous  avons  quelque  privaute  avec  telles  gens.  Nous  sommes  par  trop  fragiles,  et  cependant  nous  venons  la  nous  ietter  en  une  telle  corruption.  Et  ainsi  notons  bien,  quand  nous  verrons  des  ennemis  de  la  verite  de  Dieu,  qu'il  nous  les  faut  tenir  tellement  execrables,  qu'un  chacun  se  separe  de  leur  compagnie,  que  nous  n'ayons  nulle  accointance  avec  eux,  si  nous  ne  voulons  estre  empoisonnez.  Car  ils  polluent  tout  le  reste  quant  et  quant,  tellement  qu'il  est  impossible  qu'on  les  frequente,  ne  qu'on  approche  aucunement  d'eux,  qu'on  n'en  soit  du  tout  infecte.  Voila  donc  ce  que  nous  avons  a  noter  en  ceste  admonition  de  sainct  Paul.  Au  reste,  retenons  bien  quand  sainct  Paul  a  ainsi  requis  a  Dieu  qu'il  rendist  a  ce  forgeron  selon  ses  demerites,  qu'il  ne  l'a  point  requis  ayant  esgard  a  sa  personne,  comme  desia  nous  avons  declare.  Et  il  nous  faut  bien  adviser  de  ne  point  prendre  une  fausse  couverture  de  l'exemple  de  sainct  Paul,  comme  beaucoup  de  gens  qui  semblent  estre  grans  zelateurs,  et  voudront  aussi  avoir  telle  estime,  mais  ce  sera  pour  leur  querelle  privee  qu'ils  s'eschaufferont.  Or  ici  sainct  Paul  n'a  point  esgard  a  soy,  mais  il  s'est  comme  oublie  du  tout,  il  ne  pense  sinon  de  maintenir  la  verite  de  Dieu.  Voila  pour  un  item.  Si  donc  nous  voulons  prier  Dieu  qu'il  purge  le  monde,  et  sur  tout  sa  povre  Eglise,  exterminant  les  contempteurs  de  sa  maieste,  qui  renversent  la  pure  religion,  qui  corrompent  et  falsifient  sa  Parole,  que  nous  ayons  ce  but-la,  c'est  que  nous  ne  soyons  point  menez  d'aucune  affection  charnelle,  mais  que  nous  cerchions  seulement  que  Dieu  soit  glorifie.  Et  mesmes  encores  que  nous  ayons  un  tel  but,  si  nous  faut-il  garder  en  second  lieu,  de  rien  mesler  de  nos  passions.  Car  il  y  aura  incontinent  de  l'exces:  et  ce  n'est  point  assez  que  nostre  zele  soit  bon,  il  faut  quant  et  quant  qu'il  soit  modere  d'une