41:365  365  SUR  LE  V.  CHAP.  DE  DANIEL.  366  quelque  lieu  secret,  ou  il  n'y  eust  eu  qu'eux  deux,  encores  diroit-on  qu'il  y  deust  avoir  plus  grande  hardiesse,  mais  voila  Balsazar  qui  est  tout  transporte  du  vin  qu'il  ha  beu,  voila  un  homme  furieux,  un  Roy  qui  estimoit  autant  les  Iuifs,  comme  on  tiendroit  compte  d'asnes,  ou  de  boeufs,  et  puis  il  voit  qu'il  ha  une  cruaute  si  grande,  une  fierte,  et  presomption  si  excessive  qu'il  despite  tout,  et  s'esleve,  non  seulement  contre  les  hommes,  mais  aussi  contre  le  Dieu  vivant.  Quand  donc  il  parle  ainsi:  Dieu  t'ha  pese,  et  tu  fes  trouve  court  en  la  balance,  Dieu  ha  nombre  ton  temps,  Dieu  ha  mis  ton  Royaume  en  proye,  et  en  despouille.  Quand  Daniel  parle  ainsi  a  Balsazar,  n'est-ce  point  d'une  audace,  et  d'une  hardiesse  plus  qu'humaine?  il  regarde  qu'autant  qu'il  y  ha  la  des  gens,  ce  sont  autant  de  boutefeux,  pour  enflammer  le  Roy  a  l'encontre  de  luy.  Au  contraire,  il  est  la,  luy  et  le  reste  du  peuple,  qui  ont  este  transportes  en  Babilonne,  comme  pauvres  brebis  entre  les  loups,  car  voila  le  Roy  et  ses  princes,  qui  sont  enivres,  les  voila  comme  enrages,  et  hors  du  sens,  que  quand  ils  se  sont  moques  du  Dieu  d'Israel,  et  comment  ne  se  moqueront-ils  de  son  Prophete?  il  n'y  ha  nulle  doute,  que  comme  les  courts  des  Roys,  et  des  princes,  sont  pleines  de  flateurs,  qu'il  n'y  ha  celuy  qui  ne  demande  de  plaire  et  gratifier  a  son  prince,  soit  en  bien  ou  en  mal,  qu'aussi  autant  de  gens  que  Balsazar  avoit  a  l'entour  de  luy,  c'estoient  autant  de  boute-feux  (comme  i'ay  dit)  pour  l'irriter  a  l'encontre  du  Prophete.  Quand  donc  Daniel  parle  ainsi  hardiment,  nonobstant  tout  ce  qui  le  pouvoit  empescher  de  ce  faire,  connoissons  que  cela  ne  procede  point  de  son  naturel,  mais  qu'il  y  ha  une  vertu  celeste,  de  laquelle  il  est  conduit,  et  de  fait,  voila  sainct  Paul  qui  declare  que  nous  ne  pouvons  dire  un  seul  mot  a  l'honneur  de  nostre  Seigneur  Iesus  Christ,  que  nous  ne  pouvons  appliquer  nostre  langue  a  bien  parler,  si  ce  n'est  que  le  sainct  Esprit  la  gouverne,  et  que  sera-ce  quant  le  diable  se  dressera  contre  nous,  que  les  hommes  tascheront  de  faire  que  la  parole  de  Dieu  soit  renversee,  voire,  qu'elle  soit  aneantie,  que  la  mort  soit  la  comme  presente,  ne  faut-il  pas  que  Dieu  y  mette  la  main,  et  qu'il  y  desploie  sa  vertu?  Il  est  bien  certain.  Et  ainsi  quand  nous  lisons  ces  histoires,  il  faut  en  premier  lieu,  que  nous  apprenions  de  prier  Dieu,  que  tout  ainsi  qu'il  ha  besongne  en  Daniel,  qu'aussi  il  besongne  en  nous,  car  il  ne  luy  ha  point  donne  une  telle  vertu,  qu'aussi  nous  ne  la  sentions,  et  que  nous  n'en  soions  participans,  moiennant  que  nous  venions  a  luy  en  toute  humilite,  que  nous  sentions  nos  infirmites,  et  nos  foiblesses,  a  fin  que  nous  luy  prions  qu'il  nous  fortifie.  Ainsi  donc  ne  presumons  point  de  nous,  ne  de  nostre  vertu,  mais  prions  Dieu