32:365  365  PSALMUS  CXXXV!.  366  homines  captare  quam  ignorantiae  praetextum,  si  nimis  sublime  ac  reconditum  est  quod  traditur.  Etsi  ergo  Saturnus  luna  maior  est,  quia  tamen  propter  longiorem  distantiam  hoc  non  patet  oculis,  maluit  spiritus  sanctus  quodammodo  balbutire,  quam  discendi  viam  praecludere  plebeiis  et  indoctis.  Eiusdem  notae  est  quod  simul  addit  propheta,  Deum  solis  et  lunae  vices  ordine  partitum  esse,  ut  illum  diei  praeficeret,  hanc  vero  nocti  :  non  quod  potiantur  ullo  dominio,  sed  quia  mirabilis  in  hac  distributione  Dei  oeconomia  refulget.  Et  certe  dum  sol  interdiu  suo  fulgore  terram  illustrat,  luna  vero  et  stellae  noctu,  honorificum  (ut  ita  loquar)  obsequium  Deo  praestant.  10.  Qui  percussit  Aegyptios  in  primogenitis  ipsorum,  quia  in  saeculum  clementia  eius.  l  l  .  Et  eduxit  Israelem  e  medio  eorum,  quia  in  saeculum  clementia  eius.  12.  In  manu  forti  et  brachio  extento,  quia  in  saeculum  clementia  eius.  13.  Qui  divisit  mare  rubrum  in  divisiones,  quia  in  saeculum  clementia  eius.  14.  Et  transire  fecit  Israelem  per  medium  eius,  quia  in  saeculum  clementia  eius.  15.  Et  praecipitavit  Pharaonem  et  exercitum  eius  in  mare  rubrum,  quia  in  saeculum  clementia  eius.  16.  Et  deduxit  populum  suum  per  desertum,  quia  in  saeculum  clementia  eius.  10.  (Qui  percussit  Aegyptios  in  primogenitis.)  Literam  *j  alii  vertunt  cum  primogenitis.  Sed  prior  interpretatio  melius  fluere  videtur.  Caeterum,  nisi  concionari  placeat,  supervacuum  esset  pluribus  verbis  hic  morari  lectores:  quia  nihil  habetur  quod  non  alibi  tractatum  fuerit.  Vere  autem  dicit  percussos  fuisse  Aegyptios  in  primogenitis,  quia  licet  saepius  territi  fuerint  aliis  plagis,  non  tamen  destiterunt  contumacia  sua  furere,  donec  hac  ultima  plaga  domiti  vel  fracti  Deo  cesserunt.  Quia  vero  propositum  non  erat  ordine  recensere  singula  miracula,  summam  uno  verbo  complexus  est,  populum  e  medio  Aegypti  forti  manu  et  brachio  extento  eductum  fuisse  dicens,  quia,  ut  erat  undique  obsessus,  nullum  nisi  in  mirifica  Dei  virtute  effugium  patebat.  Brachii  extenti  similitudo  aptissima  est:  quia  non  solemus  brachium  extendere  nisi  quum  arduum  aliquid  molimur.  Itaque  sensus  est,  Deum  in  liberando  populo  non  levi  manu  usum  esse,  sed  insolito  modo  exseruisse  suam  potentiam.  13.  (Qui  divisit  mare  rubrum.)  De  voce  C\)Q  alibi  dictum  est,  itaque  mihi  religio  non  fuit  vertere  mare  rubrum.  Quia  autem  propheta  divisiones  nominat  plurali  numero,  divinant  quidam  ex  Hebraeis  plures  fuisse  transitus:  ut  illis  solenne  est  de  rebus  incognitis  nugari,  totamque  scripturam  suis  commentis  adulterare.  Etsi  autem  merito  ridentur  tales  ineptiae,  simul  tamen  eas  detestari  convenit:  quia  minime  dubium  est,  Rabbinos  Satanae