6:364  vocationi  conferri  dicit  gratiam,  non  autem  ipsam  gratiam  facere  ut  invocetur  a  nobis,  contradicit  Iesaiae  prophetae.  l)  Item:  Si  quis  per  naturae  vigorem  bonum  aliquod,  quod  ad  vitam  aeternam  pertineat,  cogitare  aut  eligere,  id  e^t,  praedicationi  consentire  posse  confirmat,  absque  illuminatione  spiritus  sancti,  qui  dat  omnibus  in  consentiendo  et  credendo  suavitatem,  haeretico  fallitur  spiritu.2)  Item  :  Talos  nos  diligit  Deus,  quales  futuri  sumus  ipsius  dono,  non  quales  sumus  nostro  merito.3)  Item:  Nemo  de  suo  habet,  nisi  mendacium  aut  peccatum.  4)  Nunc  mihi  unum  in  tota  sua  doctrina  apiculum  Pighius  ostendat,  qui  non  istis  decretis  confossus  sit  atque  damnatus.  Quod  si  concilii  autoritatem  contemnit,  hoc  saltem  eum  moveat,  quod  qui  interfuerunt  ac  subscripserunt  episcopi,  non  se  autores  istorum  capitum,  sed  approbatores  tantum  esse  profitentur:  quoniam  sibi  a  sede  apostolica  missa  fuerint.  Haec  est  illa  sedes,  unde  quidquid  profectum  fuerit,  non  aliter  accipiendum  esse  contendit  Pighius,  quam  ex  tripode  oraculum:  imo  quam  divinam  e  coelo  revelationem,  cui  et  angeli  et  prophetae  cedere  debeant.  Quid  ergo  nunc  dicturus  est,  hoc  sacrae  illius  sedis  anathemate  in  caput  suum  promulgato?  Quod  autem  toties  cum  Pelagianis  nihil  se  habere  commune  iactat,  nescio  quos  hic  Pelagianos  comminiscatur.  Neque  enim  tantum  cum  iis,  quos  describit  Augustinus,  [pag.  183]  multa  habet  similia,  sed  eorum  quibusdam  multo  est  deterior.5)  Admonitus  fuerat  a  Prospero  Augustinus,  esse  nonnullos  in  Gallia,  qui  ab  eo  dissentiebant:  qui  tamen  eo  usque  pervenerant,  vel  ipso  teste,  ut  primi  hominis  peccato  obnoxium  nasci  humanum  genus  crederent,  nec  inde  quemquam,  nisi  Christi  iustitia,  liberari:  confiterentur  etiam  Dei  gratia  praeveniri  hominum  voluntates,  nec  ad  ullum  opus  bonum  vel  inchoandum  vel  perficiendum  sibi  quemquam  sufficere.  Dum  adversus  eos  disputare  instituit,  discernit  quidem  a  Pelagio,  sed  illa  tamen  confessione  minime  contentus  est  :  a  qua  agnoscere  promptum  est,  quam  procul  adhuc  absit  Pighius.  Fatebantur  illi  praeveniri  a  Deo  hominum  voluntates,  non  naturae  dono  (fuisset  enim  id  ridiculum),  sed  singulari  spiritus  sancti  gratia.  Hic  autem,  neminem  Dei  misericordia  adiuvari  clamat,  qui  non,  et  volendo,  et  sperando,  et  petendo  ante  se  praeparaverit.  Ubi  nunc  tantum  *  illud  inter  eum  et  Pelagianos  dissidium,  quo  gloriatur?  Sed  in  eo  resistit  Pelagio,  quod  Deum  faciat  homini  debitorem.  Sed  quo  argumento?  Etiam  si  nullius,  inquit,  culpae  reus  homo  foret,  quid  tamen  conferre  aut  exhibere  Deo  potest,  servus  Domino,  creatura  creatori,  quo  illum  sibi  adstrin-  1)  Cap.  3.  2)  Cap.  7.  3)  Cap.  12.  4)  Cap.  22.  5)  Lib.  5.  praedestinatione  sanctorum  Cap.  L