47:364  suis  fruamur.  Quid  enim  nobis  confert?  Ut  abluamur  Christi  sanguine,  ut  aboleatur  per  eius  mortem  in  nobis  peccatum,  ut  vetus  homo  noster  crucifigatur,  ut  valeat  eius  resurrectio  ad  nos  in  vitae  novitatem  reformandos,  denique  ut  bonorum  eius  simus  participes.  Ergo  nihil  seorsum  a  Christo  spiritus  nobis  confert,  sed  a  Christo  sumit  quod  in  nos  transfundat.  Idem  et  de  doctrina  sentiendum:  neque  enim  nos  illuminat,  ut  abducat  vel  tantillum  a  Christo,  sed  ut  compleat  quod  dicit  Paulus  (1.  Cor.  1,  30),  Christum  esse  nobis  factum  sapientiam.  Item  thesauros  illos,  qui  in  Christo  sunt  absconditi,  reserat.  In  summa,  non  aliis  quam  Christi  divitiis  nos  locupletat  spiritus,  ut  eius  gloriam  per  omnia  illustret.  15.  Quaecunque  pater  habet,  mea  sunt.  Quia  videri  poterat  Christus  patri  eripere  quod  sibi  vindicabat,  fatetur  habere  se  a  patre,  quidquid  per  spiritum  nobis  communicat.  Caeterum,  quum  dicit  omnia  patris  sua  esse,  in  persona  mediatoris  loquitur,  quia  de  plenitudine  eius  haurire  nos  oportet.  Semper  ad  nos  respicit,  ut  dictum  est.  Atqui  videmus  ut  se  maior  pars  hominum  fallat,  quae  praeterito  Christo  Deum  per  vagos  circuitus  quaerit.  Alii  exponunt,  commune  esse  filio  quidquid  habet  pater,  quatenus  idem  est  Deus.  Sed  hic  non  tam  de  arcana  et  intrinseca,  ut  sic  loquar,  potentia  disserit,  quam  de  iniuncto  sibi  erga  nos  officio.  Denique  suas  divitias  praedicat,  ut  nos  ad  fruendum  invitet,  atque  inter  dona,  quae  per  eius  manum  a  patre  accipimus,  spiritum  recenset.  16.  Paulisper,  et  non  videtis  me:  et  iterum  paulisper,  et  videbitis  me  :  quia  ego  vado  ad  patrem.  17.  Dixerunt  ergo  quidam  ex  discipulis  eius  inter  se:  Quid  est  hoct  quod  dicit  nobis:  Paulisper,  et  non  videtis  me:  et  iterum  paulisper',  et  videbitis  me?  Et:  Quod  ego  vado  ad  patrem?  18.  Dicebant  ergo:  Hoc  quid  est  j  quod  dicit,  paulisper?  nescimus,  quid  loquatur.  19.  Cognovit  ergo  Iesus,  quod  vellent  eum  interrogare,  et  dixit  eis:  De  hoc  quaeritis  inter  vos,  quod  dixi,  paulisper,  et  non  videtis  me:  et  iterum  paulisper,  et  videbitis  me.  20.  Amen,  amen,  dico  vobis,  quod  plorabitis  vos  et  lugebitis,  mundus  autem  gaudebit:  vos  autem  tristabimini,  sed  tristitia  vestra  in  gaudium  vertetur.  16.  Paulisper,  et  non  videtis  me.  Saepius  de  suo  discessu  apostolos  Christus  praemonuit,  partim  ut  eum  fortiori  animo  ferrent,  partim  ut  ardentius  expeterent  spiritus  gratiam,  cuius  non  magnum  desiderium  eos  tenebat,  quamdiu  habebant  Christum  corpore  praesentem.  Cavendum  ergo  ne  fastidiose  legamus,  quod  non  frustra  Christus  inculcat.  Primo  dicit  se  illis  paulo  post  ereptum  iri,  ut  conspectu  eius  privati,  in  quo  solo  acquiescebant,  non  tamen  desinant  praesenti  esse  animo.  Deinde  absentiae