41:364  et  ces  changemens  du  Roy  Alexandre,  et  puis  ceux  de  l'empire  Romain,  et  de  toutes  ces  monarchies,  il  ne  parle  point  a  la  volee,  ni  outre  sa  mesure.  Il  s'ensuit  donc  qu'il  ne  s'est  point  avance  temerairement,  et  voila  comme  il  nous  en  faut  faire  a  son  exemple,  que  nul  n'entreprenne  par  temerite  de  dire  plus  qu'il  n'aura  receu,  mais  que  nous  sachions  la  volonte  de  Dieu,  voire  selon  qu'il  connoist  nous  estre  expedient,  a  fin  de  prescher  sa  verite,  et  quand  nous  serons  appeles  en  cet  estat,  et  office  de  l'annoncer,  il  faut  que  nous  aions  la  bouche  ouverte  pour  ce  faire,  sans  rien  espargner.  Voila  ce  que  nous  avons  a  noter,  c'est  a  scavoir,  quand  Daniel  ha  voulu  declarer  au  Roy,  l'interpretation  de  cette  escriture,  qu'il  estoit  certain  qu'il  le  pouvoit  faire,  d'autant  qu'il  luy  avoit  este  revele  de  Dieu,  et  sur  cela  nous  avons  a  recueillir  une  doctrine  generale,  qu'il  ne  faut  point  que  nul  homme  s'avance  de  parler,  sinon  que  Dieu  luy  ait  donne  dequoy,  comme  aussi  Sainct  Pierre  nous  exhorte:  Celuy  qui  parle,  qu'il  ne  prononce  rien,  sinon  que  comme  parole  de  Dieu,  c'est  a  dire.  qu'il  traitte  purement  la  doctrine  de  Dieu,  qu'il  declare,  ce  ne  sui-ie  pas  qui  vous  annonce  cela,  ie  ne  suis  qu'organe  du  sainct  Esprit,  qui  parle  a  vous  par  moy.  Voila  di-ie  la  modestie  qui  doit  estre  en  tous  Ministres  de  la  parole  de  Dieu,  qu'ils  ne  meslent  rien  de  leurs  songes,  ne  de  leurs  resveries,  mais  qu'ils  annoncent  purement,  et  simplement,  ce  qu'ils  ont  receu  d'enhaut,  pour  dire,  voila  ce  que  Dieu  nous  ha  monstre,  voila  sa  verite,  il  ne  faut  point  que  nous  allions  a  l'entour  du  pot  (comme  on  dit)  mais  il  faut  que  nous  laissions  parler  la  parole  de  Dieu,  c'est  a  dire,  que  nous  annoncions  sa  verite  a  grands  et  a  petis,  en  pleine  liberte,  comme  elle  le  doit  estre,  voila  comme  il  nous  en  faut  faire.  Or  venons  maintenant  a  l'escriture  comme  Daniel  la  recite:  Mene,  mene  Thecec  pharsin,  voila  l'escriture.  Or  Daniel  l'expose  en  telle  sorte,  Mene,  mene,  c'est  a  dire,  Nombre,  nombre,  le  Seigneur  ha  nombre  ton  Royaume,  et  l'ha  accompli,  ton  terme  est  expire.  Thecec,  c'est  a  dire,  pese,  car  le  Seigneur  t'ha  pese  en  la  balance,  et  tu  fes  trouve  court,  et  puis  Pharsin,  c'est  a  dire,  divise,  il  met  hien  Pheres,  mais  il  est  plurier,  quant  il  met  Pharsin,  le  singulier,  il  se  peut  raporter  a  Balsazar,  mais  quant  il  dit  Pheres,  il  ha  regard  a  Darius  et  Cirus,  qui  estoient  comme  deux  bestes  sauvages,  pour  prendre  la  proye.  Or  il  dit  donc  Pharsin,  c'est  a  dire,  ton  Royaume  sera  divise,  et  sera  en  proye.  Daniel  parle  ici  bien  hardiment  a  un  Roy,  qui  estoit  si  orgueilleux  comme  Balsazar,  il  falloit  bien  qu'il  fust  arme  d'une  vertu  puissante  de  Dieu,  et  que  le  sainct  Esprit  hesongnast  en  luy,  pour  luy  oster  toute  crainte,  car  il  connoist  a  qui  il  ha  affaire.  S'il  eust  prins  Balsazar  devant  desieuner,  et  en