54:363  363  SERMON  XXX  364  este  gouverne  par  le  sainct  Esprit,  tellement  qu'il  nous  faut  prendre  ceste  requeste  de  sainct  Paul  comme  une  sentence  authentique  contre  ceste  malheureuse  creature  qui  s'est  ainsi  ose  despiter  contre  l'Evangile.  Or  de  la  nous  pouvons  recueillir  combien  Dieu  tient  sa  verite  precieuse.  Car  des  fautes  qui  sont  commises  contre  luy,  nous  voyons  comme  il  les  supporte,  et  comme  il  use  de  patience  pour  attirer  les  hommes  a  repentance,  voire  ceux  qui  se  sont  desbauchez  contre  luy.  Nous  voyons  mesmes  ce  qu'il  dit  par  son  Prophete.  Si  une  femme  a  paillarde,  et  qu'elle  ait  abandonne  son  mari,  ou  sera  l'homme  qui  la  vueille  recevoir?  Or  quand  vous  m'aurez  este  desloyaux  (dit-il)  et  que  vous  m'aurez  tant  offense  que  rien  plus,  encores  suis-ie  prest  de  me  reconcilier  a  vous.  La  nostre  Seigneur  testifie  que  non  seulement  il  nous  pardonnera  les  fautes  legeres  que  nous  commettons  par  ignorance,  ou  par  quelque  infirmite  et  que  soudain  nous  venons  a  retourner  au  bon  chemin,  mais  encores  que  nous  ayons  este  long  temps  comme  gens  perdus  et  desesperez,  que  nostre  vie  ait  este  vileine  et  enorme,  qu'il  ne  laisse  pas  d'avoir  pitie  de  nous.  Mais  quand  nous  venons  a  blasphemer  contre  sa  verite,  voila  un  peche  irremissible,  voire  si  nous  le  faisons  par  une  certaine  malice,  comme  il  est  advenu  a  cest  homme  qui  est  ainsi  maudit,  et  sur  lequel  le  sainct  Esprit  prononce  une  si  horrible  condamnation.  Notons  bien  donc  que  si  tous  pechez  sont  execrables  devant  Dieu,  cestuy-ci  surmonte,  c'est  ascavoir  quand  on  mesdit  et  qu'on  detracte  de  la  doctrine  et  de  la  vraye  religion  :  il  n'y  a  ne  meurtre,  ni  cruaute,  ni  empoisonnement,  ne  rien  qui  soit  que  Dieu  accompare  a  ceci,  quand  on  se  revolte  contre  luy.  Et  de  faict,  si  nous  regardons  bien,  la  vie  d'un  homme  nous  doit-elle  estre  tant  precieuse  que  la  verite  de  Dieu?  Car  la  vie  d'un  homme  est  temporelle.  Or  ici  il  est  question  du  salut  de  nos  ames,  voire  de  tout  le  monde:  il  est  question  du  royaume  de  Dieu,  comment  il  sera  servi  et  glorifie  entre  nous.  Si  donc  on  se  vient  ainsi  elever  contre  la  maieste  de  Dieu,  qu'on  vueille  abolir  le  regne  et  l'empire  qui  est  donne  a  nostre  Seigneur  Iesus  Christ,  qu'on  vueille  ruiner  les  povres  ames  et  les  mener  a  perdition,  que  pouvons-nous  dire  sinon  qu'il  faut  que  cela  nous  soit  plus  execrable  beaucoup  que  tous  les  autres  crimes?  Et  ainsi  ne  nous  esbahissons  pas  que  sainct  Paul  use  encores  d'une  telle  vehemence  contre  ce  mal-heureux  suppost  du  diable,  lequel  apres  avoir  cognu  la  verite,  apres  avoir  este  enseigne  en  l'Evangile,  et  en  avoir  fait  une  telle  profession,  se  vient  armer  d'une  furie  infernale  pour  aneantir  la  maieste  de  nostre  Seigneur  Iesus  Christ,  pour  renverser  toute  verite,  pour  abysmer  les  povres  ames,  et  les  priver  de  leur  salut,  pour  clorre  le  royaume  de  Paradies,  et  faire  que