52:363  363  EPIST.  PAULI  AD  TIMOTHEUM  II  364  de  errore  Hymenaei  et  Phileti  loquetur.  Negabant  enim  resurrectionem,  cuius  habemus  certum  in  hac  confessione  pignus,  dum  factam  esse  mentiebantur.  Caeterum  quam  necessaria  fuerit  haec  Pauli  admonitio,  veteres  historiae  ostendunt.  Quascunque  enim  machinas  potuit,  Satan  admovit  ad  destruendam  hanc  fidem.  Nam  quum  sint  duo  eius  membra.  Christum  ex  semine  David  esse  genitum,  et  ex  morte  resurrexisse:  statim  a  tempore  apostolorum  exortus  est  Marcion,  qui  humanae  in  Christo  naturae  veritatem  abolere  conatus  est.  Sequuti  sunt  deinde  Manichaei.  Et  haec  pestis  hodie  quoque  grassatur.  Quod  ad  resurrectionem  spectat,  quam  multi  et  quam  variis  artibus  eius  spem  labefactare  conati  sunt?  Tantundem  igitur  valet  ista  Pauli  attestatio,  ac  si  dixisset:  ne  quis  evangelium  meum  calumniis  depravet  aut  adulteret:  ita  docui,  ita  praedicavi,  Christum,  qui  ex  semine  David  natus  |  homo  erat,  resurrexisse  a  mortuis.  Evangelium  vocat  suum,  non  ut  se  autorem  profiteatur,  sed  ministrum.  Caeterum  in  Christi  resurrectione  certum  habemus  nostrae  ooinium  pignus.  Proinde  qui  fatetur  Christum  resurrexisse,  idem  etiam  de  nobis  futurum  affirmat:  quia  non  sibi  resurrexit  Christus,  sed  nobis.  Non  enim  a  membris  suis  avelli  caput  debet.  Praeterea  in  Christi  resurrectione  continetur  redemptionis  et  salutis  nostrae  complementum.  Nam  mors  quoque  adiungitur.  Christus  ergo,  qui  mortuus  est,  resurrexit:  cur?  et  in  quem  finem?  hic  ad  nos  veniendum  est,  atque  hic  etiam  emergit  vis  et  fructus  utriusque,  nempe  tam  resurrectionis  quam  mortis.  Nam  hoc  principium  semper  tenendum  est,  scripturam  non  solere  de  illis  historice  tantum  ac  frigide  loqui,  sed  fructum  subaudiendo.  Ex  semine  David.  Hac  particula  non  modo  asseritur  humanae  naturae  veritas  in  Christo:  sed  etiam  ilii  vendicatur  honos  et  nomen  Messiae.  Negant  haeretici  Christum  fuisse  verum  hominem,  alii  delapsum  e  coelo  fingunt,  alii  tantum  apparuisse  in  ipso  hominis  speciem:  Paulus  ex  adverso  clamat,  ex  semine  David  fuisse.  Quo  haud  dubie  pronuntiat  verum  fuisse  hominem,  ex  homine  progenitum,  nempe  ex  Maria.  Hoc  tam  disertum  testimonium  quo  magis  eludere  conantur  haeretici,  impudentiam  suam  magis  produnt.  Iudaei  et  alii  Christi  hostes  eum  esse  negant,  qui  olim  promissus  fuerat:  Paulus  autem  affirmat  Davidis  esse  filium,  et  ex  ea  familia  ducere  originem,  ex  qua  Messiam  descendere  oportuit.  9.  In  quo  laboro.  Est  anticipatio.  Vincula  enim  apud  imperitos  fidem  detrahebant  illius  evangelio.  Fatetur  ergo  se,  quod  ad  externam  speciem,  instar  scelerati  hominis  vinctum  esse:  sed  addit,  sua  vincula  non  obstare  quominus  libero  cursu  procedat  evangelium.  Imo  electis  salutare  esse