49:363  363  EPIST.  PAULI  AD  CORINTHIOS  I  364  ministerium,  si  rite  omnia  expendantur.  Caeterum  non  tantum  adversus  impios  doctores  hic  locus  militat,  sed  etiam  omnes  eos,  qui  aliud  habent  propositum  quam  Christi  gloriam  et  ecclesiae  aedificationem.  Neque  enim  quicunque  vera  docet,  protinus  est  fidelis,  sed  qui  Domino  servire  Christi  que  regnum  promovere  ex  animo  studet.  Nec  vero  abs  re  Augustinus  mercenariis  inter  lupos  et  probos  doctores  medium  gradum  attribuit.  Porro  quod  Christus  a  bono  dispensatore  prudentiam  quoque  requirit,  in  eo  quidem  explicatius  loquitur  quam  Paulus,  idem  tamen  est  sensus.  Christo  enim  fides  est  conscientiae  sinceritas,  cui  sanum  et  providum  consilium  accedere  oportet:  Paulus  per  fidelem  ministrum,  intelligit  qui  et  scienter  et  recto  animo  partes  boni  verique  ministri  implet.  3.  Mihi  vero  pro  minimo  est.  Restabat  ut  suam  fidelitatem  in  medium  proferret,  quo  inde  iudicarent  de  ipso  Corinthii:  sed  quia  corruptum  erat  eorum  iudicium,  illo  repudiato,  ad  tribunal  Christi  provocat.  Errabant  Corinthii  quod  obstupescebant  ad  externas  larvas,  nec  veras  ac  proprias  discretionis  notas  intuebantur  :  magna  igitur  fiducia  perversum  eiusmodi  caecumque  iudicium  contemnere  se  testatur.  In  quo  et  pseudoapostolorum  vanitatem  probe  refutat,  qui  solum  hominum  favoren  aucupabantur,  seque  putabant  beatos  si  in  admiratione  forent:  et  Corinthiorum  arrogantiam  graviter  castigat,  quae  in  causa  erat  ut  ita  caecutirent  iudicando.  Sed  quaeritur  quo  iure  Paulo  licuerit  non  modo  repudiare  unius  ecclesiae  censuram,  sed  hominum  iudicio  se  eximere:  nam  ista  communis  est  pastorum  omnium  conditio,  ab  ecclesia  iudicari.  Respondeo,  boni  pastoris  esse,  suam  tum  doctrinam,  tum  vitam  examinandam  permittere  ecclesiae  iudicio  :  et  hoc  esse  bonae  conscientiae  indicium,  non  refugere  lucem  examinis.  Quemadmodum  Paulus  absque  dubio  paratus  erat  subire  iudicium  ecclesiae  Corinthiacae,  et  ad  rationem  tam  vitae  quam  doctrinae  reddendam  vocari,  si  iusta  cognitio  illic  fuisset:  quemadmodum  saepe  illis  hanc  potestatem  defert,  ultroque  flagitat  ut  recte  iudicare  velint.  Sed  ubi  opprimi  se  iniquis  perversisque  studiis  videt  fidelis  pastor,  nec  locum  esse  aequitati  aut  veritati,  humanae  existimationis  securus,  Deam  appellare  et  ad  eius  tribunal  confugere  debet:  praesertim  ubi  obtinere  hoc  nequit,  ut  suscipiatur  vera  et  legitima  cognitio.  Ita  ergo  sibi  agendum  meminerint  servi  Domini,  suam  doctrinam  ac  vitam  exigi  ad  calculum  patiantur,  imo  ultro  se  offerant:  si  quid  obiectum  fuerit,  respondere  ne  detrectent.  Verum  si  indicta  causa  damnari  se  viderint,  et  de  causa  inaudita  iudicium  fieri,  erigant  ad  hanc  magnitudinem  animos,  ut  despectis  hominum  iudiciis  Deum  iudicem  intrepide  exspectent.  Sic  olim  projphetas,  quia  negotium  erat  cum  hominibus  praefractis,  et  qui  in  illorum  persona  Dei  verbum  despicere  aude-