41:363  363  SERMON  IV.  364  qu'on  leur  fait  grand  tort,  quand  ils  sont  mis  au  rang  des  hommes,  mais  quoy?  Il  est  dit  a  Ieremie:  Argue  les  coustaux,  crie  contre  les  montagnes,  et  puis  qu'il  n'y  ait  ne  Royaumes,  ne  principautes,  qui  soient  espargnes,  quand  Dieu  preside  par  sa  parole.  Voila  donc,  comme  tous  Prophetes,  tous  prescheurs  de  l'Evangile,  doivent  connoistre  que  leur  office  est  tel,  qu'ils  n'espargnent  ne  grands  ne  petis,  et  mesmes  qu'ils  s'adressent  plustost  aux  grands,  pource  que  ce  sont  eux  qui  doivent  conduire  les  autres,  et  s'ils  sont  meschans,  ils  meinent  tout  le  reste  du  peuple  a  perdition,  par  leur  mauvais  exemple,  qu'ils  confondent  tout  ordre  de  nature  et  police,  d'autant  donc  que  c'est  de  la,  d'ont  vient  la  source  du  mal.  Il  faut  que  les  Ministres  de  la  parole  de  Dieu  s'efforcent  de  crier  a  l'encontre,  a  fin  qu'ils  facent  leur  devoir,  de  conduire  le  peuple  qui  leur  est  commis  en  charge,  en  telle  sorte  que  Dieu  soit  servi  et  honore,  et  de  grands  et  de  petis,  et  de  tous  en  general.  Voila  quant  a  cette  sentence  ou  Daniel  dit,  que  la  vie  de  Balsazar  et  toutes  ses  voyes,  sont  en  la  main  de  Dieu.  Sur  cela  aussi  nous  avons  a  noter  que  Dieu  esleve  et  abat  les  Roys  comme  bon  luy  semble,  ainsi  que  nous  en  touchasmes  hier,  il  les  maintient  en  leur  estat,  et  donnera  fraieur  et  crainte  a  tous  peuples  et  nations,  a  fin  que  les  Roys  soient  obeis:  mais  au  contraire,  quand  Dieu  voudra  qu'un  Roy  soit  abatu,  il  le  mettra  en  ignominie,  telle  qu'il  ne  sera  prise,  honore,  ni  obei,  en  facon  que  ce  soit:  et  voila  pourquoy  il  est  dit  en  Iob,  que  Dieu  ceinct  de  l'espee  et  du  baudrier,  ceux  qu'il  veut  constituer  en  domination,  qu'ils  sont  craints  et  redoutes,  qu'ils  sont  comme  armes,  encores  qu'ils  n'aient  nulles  armes,  qu'il  y  ha  une  telle  maieste  en  eux  qu'ils  sont  obeis.  Mais  au  contraire,  quant  Dieu  veut  destituer  un  homme,  il  luy  oste  l'espee,  et  la  ceincture,  c'est  a  dire,  qu'il  fait  qu'il  n'y  ha  plus  nulle  maieste,  qu'on  ne  le  craint  point.  Voila  donc,  ce  que  nous  avons  a  noter  sur  ce  passage,  sur  ce  qui  est  dit  de  Balsazar.  Il  s'ensuit  puis  apres:  L'escriture  est  telle,  et  Dieu  l'ha  envoiee  a  cause  de  ton  orgueil.  Or  ici  nous  voions  que  Daniel  ne  parle  point  a  la  volee,  comme  quand  il  dit  auparavant:  Tu  orras  l'exposition  de  l'escriture,  apres  que  ie  te  l'aurai  leue.  Il  semble  que  Daniel  s'avance  par  trop,  quand  il  promet  qu'il  lira  l'escriture,  et  qu'il  en  donnera  l'interpretation,  car  que  scait-il,  si  Dieu  luy  en  donnera  la  grace?  Or  il  nous  faut  noter  que  Daniel  scavoit  bien  le  contenu  de  l'escriture,  car  il  scavoit  aussi  ce  qui  devoit  advenir,  comme  nous  verrons  au  chapitre  septieme,  que  desia  il  avoit  eu  une  vision  certaine  de  ce  changement  ici,  que  trois  ans  devant  Dieu  luy  avoit  declare,  ce  qui  devoit  advenir:  non  seulement  en  Babilonne,  mais  en  Perse,  et  en  Mede,