32:363  363  PSALMUS  CXXXVL  364  hic  cum  reliquo  piorum  coetu  ipse  quoque  Deum  benedicit.  Dicit  autem  e  Sione,  quia  quum  pollicitus  esset  Deus  se  illinc  exauditurum  suorum  vota,  ac  odorem  gratiae  suae  inde  diffunderet,  simul  etiam  laudum  materiam  suggerebat.  Ratio  etiam  additur,  quia  habitat  in  Ierusalem:  quod  nihil  crassum  vel  terrestre  sonat,  quasi  tam  angusto  domicilio  inclu8sus  esset  Deus  :  sed  ad  sensibilem  eius  gratiam  referri  debet,  quia  experientia  docebat,  quamvis  coelum  et  terram  impleat  eius  maiestas,  virtute  et  gratia  suis  esse  praesentem.  PSALMUS  CXXXTI.  ARG.  Admonet  propheta  fraudari  Deum  iusto  beneficiorum  suorum  fructu,  nisi  assidui  sint  fideles  in  canendis  eius  laudibus.  Porro  in  singulis  beneficiis  misericordiam  eius  commendans,  simul  docet  non  rite  laudari  Deum,  nisi  gratuitum  esse  agnoscimus  quidquid  in  nos  contulerit.  1.  Laudate  Iehovam,  quia  bonus,  quia  in  saeculum  clementia  eius.  2.  Laudate  Deum  deorum,  quia  in  saeculum  clementia  eius.  3.  Laudate  Dominum  dominorum,  quia  in  saeculum  clementia  eius.  4.  Qui  fecit  mirabilia  magna  solus,  quia  in  saeculum  clementia  eius.  5.  Qui  fecit  coelos  intelligenter,  quia  in  saeculum  clementia  eius.  6.  Qui  extendit  terram  super  aquas,  quia  in  saeculum  clementia  eius.  7.  Qui  fecit  luminaria  magna,  quia  in  saeculum  clementia  eius.  8.  Solem  ad  praefecturam  in  die,  quia  in  saeculum  clementia  eius.  9.  Lunam  et  stellas  ad  praefecturam  dn  nocte,  quia  in  saeculum  clementia  eius.  1.  (Quia  in  saeculum.)  Videri  posset  inanis  battologia,  quod  brevibus  et  concisis  sententiis  particulam  hanc  toties  inserit,  verum  si  feruntur,  imo  laudem  et  plausum  referunt  versus  intercalares  in  profanis  poetis,  non  debet  videri  absurda  haec  repetitio,  quae  in  optima  ratione  fundata  est.  Nam  etsi  fateri  coguntur  omnes,  bonorum  omnium  fontem  esse  liberalitatem  Dei,  non  tamen  pure  et  in  solidum  agnoscitur  gratuita  eius  bonitas  :  cui  tamen  summum  gradum  semper  attribuit  scriptura.  Tmo  Paulus  Rom.  3,  23  de  ea  loquens,  gloriam  Dei  generaliter  %ax'  eCo^v  nominat:  ac  si  diceret,  Deum,  qui  in  cunctis  suis  operibus  summam  laudem  meretur,  velle  tamen  praecipue  glorificari  in  sua  misericordia.  Et  ex  sacra  historia  colligere  promptum  est,  ex  Davidis  praescripto  inter  canendum  morem  hunc  receptum  fuisse  ut  alternis  levitae  succinerent,  Quia  in  aeternum  clementia  eius.  Nam  et  Solomo  in  templi  dedicatione  ritum  hunc  observavit,  2.  Chronicon  7,  3.  6  et  Iosaphat  in  epinicio  illo  solenni,  cuius  mentio  fit  eiusdem  libri  capite  20,  21.