20:363  363  EPISTOLAE  4131.4134  364  4UL  GRYNAEUS  CALVINO.  Narrat  Bupefortii  cuiusdam  caedem.  (Ex  autographo  Cod.  Genev.  113,  fol.  55.)  Ioh.  Calvino  suo  fratri  carissimo.  8.  Quanquam  non  dubito  famam  dudum  ad  vos  de  morte  Rupefortii  nostri  allatam  esse,  tamen  quia  id  postulas  verbis  paucis  significabo.  Ambulatum  cum  propinquo  Vinario  extra  moenia  iverat,  per  proditorem,  qui  in  pago  proximo  quosdam  e  Gallia  nuper  reversos  milites  saltandi  luctandique  gnaros  esse  promiserat,  eductus.  Quum  ad  pagum  fere  ventum  est,  cuneus  hostium  impetu  facto  omnes  quidem  prehendit  et  in  navim  quae  Rheni  ripam  in  hoc  disposita  stabat  compulit.  Propinquus  igitur  Vinarius  et  servorum  Bupefortii  alter  dum  in  navim  pertruduntur,  ipse  Rupefortius  inter  militum  tumultum  saltu  sese  ingenti  in  ripam  proripit  ac  manus  latronum  evadit.  Equites  in  insidiis  erant  duo,  qui  fugientem  ad  pagum  proximum  persequuti  longius  egerunt  praeter  pagum,  ac  in  campis  ipsis  apertis  cum  itinere,  qua  Argentina  venitur,  ad  currus  ea  praetereuntes  tendentem  interceperunt.  Viderunt  aurigae,  quum  se  fortiter  defenderet  et  opem  eorum  imploraret,  captum  ac  equo  impositum  et  ad  sylvam  proximam  abreptum.  Res  haec  accidit  mille  ad  summum  a  moenibus  passuum  intervallo.  Per  sylvam  ductus  est  equo,  quum  alter  equitum  in  pedes  se  coniecisset.  Orta  nocte  iam,  et  ex  vulnere  quod  in  capite  habuit  satis  magnum,  et  ex  itinere  fatigatus,  vehi  eqiio  non  potuit  commode,  ac  destitui  viribus  ut  videtur  coepit.  Latro  exanimem  propemodum  prorsus  hominem  istic  interfecit  bombarda  pectore  traiecto.  Globum  hic  nos  domi  habemus.  Et  rusticus,  qui  ipse  oculis  suis  vidit,  et  clamores  morientis  et  ictum  sedentis  bombardaeque  sonum  audivit,  narravit  nobis.  Est  facinus  quod  nullis  verbis  satis  attolli  potest.  Prehendit  magistratus  eum  qui  navi  praefuit  Parat  se  rebus  omnibus  ad  arces  exscindendas  eas  quae  et  tenent  hos  et  praetereuntes  receperunt.  Comitia  hac  hebdomade  habentur  apud  Helvetios.  Sic  fatum  est  huius  viri.  Ipse  dominica  proxima  quam  interfectus  est  ad  mensam  Domini  adiens  significationem  fidei  dedit  non  obscuram,  et  apud  me  vixit  innocentissime.  Incredibile  est  quem  dolorem  conceperimus  omnes  ex  isto  casu,  qui  utique  ad  res  maiores  spectare  videtur.  De  foedere  cum  rege  nihil  est  nisi  iam  sit  aliquid.  Consui  ipse  ad  *)  scripsit  iterum,  4131.1)  Nomen  ex  pessima  viri  literatura  extricare  non  voluimus.