6:362  amorconiugalis,  parentum  item  erga  liberos  amicitia,  gaudium  ex  felici  successu;  ex  orbitate,  viduitate,  rebusque  omnibus  adversis  tristitia;  famem,  frigus,  inopiam,  pericula,  ignominiam  et  dedecus  reformidare:  appetere  rursum,  et  quaerere  necessaria  vitae  subsidia.  Hos  affectus  non  docemus  1)  per  peccatum  inolevisse,  sed  ab  ipsa  creatione  fuisse  naturae  inditos.  Istam  vero,  quam  nos  nimium  experimur,  ἀταξίαν,  hoc  est,  inordinatum  in  affectibus  excessum,  quo  fit,  ut  male  concupiscamus,  concupiscendoque  rebelles  simus  Deo,  ex  corruptione  tradimus  natum  esse,  non  naturae  ab  initio  fuisse  ingenitum.  Qua  ratione  Augustinus,  sicut  ante  citavimus,  voluntatis  nomine  non  dignatur  appetendi  facultatem,  qualiter  nunc  corrupta  est,  sed  cupiditatem  potius  vocandam  putat,  quod  modum  in  suis  desideriis  nunquam  teneat.  Diligit  pater  filium,  coniux  coniugem:  castus  amor,  et  qui  laudem  etiam  meretur.  Verum,  ut  nunc  vitiata  est  natura,  [pag.  180]  amor  hic  in  homine  non  reperietur,  quin  aliquid  inquinamenti  resipiat.  Itaque  ab  illa  corruptionis  radice  fit,  ut  nihil  purum  au  sincerum  concipiat  voluntas:  sed  quemadmodum  ipsa  est  contaminata,  sic  fructus  etiam  pollutos  et  immundos  pariat.  Atque  hoc  est  quod  dicimus,  quum  iste,  de  quo  loquimur,  morbus  hominum  voluntati  semper  insideat,  ideo  non  nisi  malum  concipere  ipsam  posse.  Nam  si  rei  honestae  alias  in  suo  genere  ac  laudabilis,  nunquam  vitio  caret  appetitus,  propter  eiusmodi  excessum,  quid  quum  mala  concupiscuntur?  Talem  naturae  vitiositatem,  et  scripturae  ubique  demonstrant.  En  tibi  tribus  verbis,  quid  inter  puram  et  adulteratam  naturam  sit  discriminis:  quod  dum  Pighius  non  observat,  omnia  pervertit.  Sed  his  fieri  Deo  iniuriam  opinatur:  quia  minime  eius  bonitati  consentaneum  sit,  animam  creare  sic  destitutam  omni  rectitudine,  ut  nihil  quam  peccare  queat.  Qualis,  inquit,  gratiae  eius  commendatio,  quum  dicitur  talem  naturam  condidisse?  Nos  vero  non  conditori  acceptum  ferimus,  quidquid  in  nobis  mali  est,  sed  primo  parenti  nostro,  qui  miseram  hanc  haereditatem  ad  nos  transmisit.  Quod  si  timet  Pighius,  ne  merito  saevitiae  accusetur  Deus,  si  ob  unius  hominis  culpam  in  universum  genus  tam  severo  poenae  genere  animadverterit,  ne  litiget  nobiscum:  sed  totam  scripturam  aboleat,  ubi  hoc  iudicium  passim  publicatur.  Sequitur  apud  eum  alter  de  naturae  reparatione  locus  :  in  quo  satis  demonstrat,  non  nisi  maledicendo  incalescere  se  posse.  Nam  quia  hic  benedicere  oportuit,  aut  silere,  qualibet  glacie  est  frigidior.  Hoc  tamen  est,  quod  tandem  in  primis  significat  se  habere  a  nobis  diversum:  quod  Deum  manum  porrigere  hominibus  prostratis  opinatur,  ad  eos  1)  Besanae  editiones  et  AmstelodamensiS  male  habent:  nos  docemus.