52:362  stadio  currunt,  sed  unus  accipit  bravium.  Sic  currite,  ut  comprehendatis.  Si  quis  itaque  primo  conflictu  fatigatus,  statim  ex  campo  se  ad  quietem  subducat,  inertiae  damnabitur  potius  quam  ornabitur  corona.  Ita  quum  certare  nos  velit  Christus  tota  vita:  qui  in  medio  victoriae  cursu  defecerit,  honore  se  privat,  etiamsi  strenue  coeperit.  Legitime  c  e  r  t  a  r  e  ,  est  prosequi  certamen  quantum  vel  quoad  lex  praescribit:  ne  quis  sibi  modum  ante  tempus  definiat.  6.  Laborare  prius  agricolam.  Non  ignoro  secus  verti  hunc  locum  ab  aliis:  et  fateor  eos  ad  verbum  transferre  quod  graece  Paulus  scripsit.  Sed  qui  diligenter  contextum  expendet,  mihi  assentietur.  Deinde  nota  est  graeca  ista  phrasis:  laborantem,  pro  laborare.  Participium  enim  loco  infinitivi  saepe  Graeci  usurpant.  Sensus  est  igitur,  non  ante  agricolas  fructum  colligere,  quam  in  terrae  cultura,  in  satione  et  aliis  sudaverint.  Quod  si  non  parcunt  laboribus  agricolae,  ut  aliquando  fructu  potiantur,  et  patienter  tempus  messis  exspectans  quanto  absurdius  est  nos  labores  refugere,  quos  nobis  iniungit  Christus  tanta  mercede  proposita?  7.  Intellige  quae  dico.  Hoc  non  addidit  propter  similitudinum,  quas  posuit,  obscuritatem:  sed  ut  sibi  ipse  suggereret  Timotheus  quanto  praestantior  sit  sub  Christi  auspiciis  militia,  et  quanto  amplior  merces.  Nam  vix  assidua  meditatione  hoc  tandem  sentimus.  Quae  subiicitur  precatio  quasif  vice  correctionis  addita  est.  Quia  enim  usque  ad  incorruptibilem  illam  vitae  futurae  coronam  non  conscendunt  nostrae  mentes:  Paulus  ad  Deum  confugit,  ut  Timotheo  det  intellectum.  Atque  hinc  colligimus  non  minus  frustra  nos  doceri  nisi  Dominus  mentes  aperiat,  quam  frustra  darentur  praecepta,  nisi  ipse  suppeditaret  vires  implendi.  Quis  enim  Paulo  melius  id  potuit?  atqui  ut  aliquo  profectu  doceat,  discipulum  sibi  a  Deo  formari  postulat.  8.  Memento  Iesum  Christum  excitatum  a  mortuis,  ex  semine  David,  secundum  evangelium  meum.  9.  In  quo  laboro  usque  ad  vincula,  tanquam  maleficus:  sed  sermo  Dei  non  est  vinctus.  10.  Quamobrem  omnia  tolero  propter  electos,  ut  ipsi  quoque  salutem  consequantur,  quae  in  Christo  Iesu,  cum  gloria  aeterna.  l  l  .  Fidelis  sermo:  si  enim  commortui  sumus,  etiam  simul  cum  ipso  vivemus:  12.  si  sufferimus,  etiam  simul  regnabimus:  si  negamus,  ille  quoque  negabit  nos:  13.  si  increduli  sumus,  ille  fidelis  manet:  negare  seipsum  non  potest.  8.  Memento  Iesum.  Aliquam  eius  doctrinae  partem,  quam  volebat  salvam  et  integram  ad  posteros  pervenire,  nominatim  exprimit.  Verisimile  autem  est,  eam  potissimum  attingi,  de  qua  maxime  timebat.  Quod  etiam  ex  sequentibus  patebit,  quum