5:362  ab  illis  imposita  proferre,  quatenus  citra  Dei  offensionem  licet.  Denique  non  secus  atque  Dei  vicarii  aestimandi  sunt,  quibus  repugnare  nemo  possit,  qui  cum  ipso  Deo  bellum  gerat.  Illorum  etiam  munus,  pro  sancta  administratione  a  Deo  demandata  est  habendum,  ad  quod  sunt  assumpti,  ut  nobis  praesint  ac  dominentur.  Quam  ob  rem  christiani  hominis  partes  esse  iudicamus,  magistratuum,  sub  quibus  agit,  prosperitatem  precibus  Deo  commendare:  legibus  atque  edictis,  quae  cum  Dei  praeceptis  non  pugnant,  obedienter  parere:  publicam  tum  utilitatem,  tum  tranquillitatem,  promovere:  principum  honori  ac  communi  totius  populi  bono  ex  animo  studere,  ab  omnibus  [pag.  62]  factionibus  religiose  abstinere,  unde  turbae  ac  tumultus  nasci  queant.  Contra  vero  eos  omnes,  qui  infideles  se  gerunt  erga  magistratum,  nec  ad  publicam  regionis  in  qua  versantur  utilitatem  curandam  animum  applicant,  pronunciamus  ea  perversitate  prodere  suam  in  Deum  perfidiam.  FINIS.